فۆتۆ:
2021-05-08
387 جار خوێندراوەتەوە
شێخ ئەحمەد تەیب، شێخێ ئەزهەر، د گرتەڤیدیۆیەکێ دا ڕاگەهاند، بۆ ژنان رێکهاتیەدان پۆستێن بلند وەربگرن و دادگەریێ بکەت و گەشتێ بێی مەحەرەم بکەت ئەگەر دەمێ ب سلامەت بوو ترسا کارێن خراب تێدانەبیت گەشتا وێ.
ئاماژە ب وێیەکێ کر، بەریا نها گەشت بێی مەحرەم لسەر ژنان قەدەغەبوو ژبەر نەبوونا سلامەتیێ و دەمێ دوویر و درێژ یێ گەشتێ.
ئەوژی دیارکر، د نهادا سیستەمێ گەشتکرنێ هاتیە گۆهرین و ئاسانکاریێن زێدەتر هەنە و بێی ئاریشە دشێن گەشتێ بکەن ب مەرجەکێ گەشت یا دوویر و درێژ نەبیت و ب سلامەتی بیت و ترسا گۆنەهکرنێ و کارێن خراب تێدا نەبیت.
بەحسا وێیەکێ کر، بسەدەما دوویر و درێژیا گەشتکرنا حەج و عومرێ ژن بێی مەحرەم رێک پێنەهاتیەدان.
ئاشکەراکر، ئەگەر ژنێ هەڤالەکێ دەستپاقژ و باوەرپێکری بۆ گەشتا حەج و عومری دگەل بوو، دروستە و رێک پێهاتیەدان.
ئەڤە د دەمەکیدایە، عەبدولا بن عەباس، ژ زاردەڤێ پێغەمبەرێ ئیسلامێ (سلاڤ لسەربن) ڤەدگێریت، ژن نەشێت سەفەرێ بکەت ئەگەر دگەل مەحرەمەکێ خۆ نەبیت.
مەحرەم د ئیسلامێ دا ئەو کەسەنە کو ژن و زەلام نەشێن هەڤژینیێ دگەل دا بکەن، بۆ نمەنە خوشک و برا، دەیک و باب، خالەت و مەت، خارزا و برازا، خالەت و مەتێن هەڤینێ، خوشک و برایێن شیری، پیر و داپیر، کوڕ و کچ.
م.م