فۆتۆ:
2021-04-29
815 جار خوێندراوەتەوە
پەیمانگەها گەردونناسی یا میسری ئاشکراکر، مەها شەوالێ ب تەمامی ل دەمژمێر نەهێ شەڤا ١٢ی مەها ئایارا داهاتی دێ نویبیت و ب وێ ژی مەها رەمەزانێ دێ ٣٠ رۆژ بیت و جەژن دکەڤیتە بەروارا ١٣ی گۆلانا ئەڤسالە.
ئەڤرۆ پێنجشەمبی، جاد قازی، پەیمانگەها گەردونناسی یا مسرێ ڕاگەهاند، مەها شەوالێ ل شەڤا ١٢ی گۆلانێ دا دبینیت و رۆژا دیڤدا دبیتە جەژنا رەمەزانێ.
ئاماژە ب وێ یەکێ ژی کر، ئەڤسالە کو ١٤٤٢ێ کۆچییە، ٣٥٥ رۆژە و داوی رۆژا ئەڤسالە ل ١٠ێ مەها تەباخێ دا یە.
رۆژژمێری یا کوچی کو تایبەتە ب موسلمانان، ل گورەی نویبوونێ و دەرکەفتنا هەیڤێ، مەهێن سالێ دیاردکەت کو ژ ئالیێ عومەرێ کورێ خەتاب، جێنشینا پێغەمبەرێ ئیسلامێ (س،خ) داهێنایە.
مەهێن سالناما کۆچی جیاواز ژ سالناما زاینی، سالانە گوهرین بسەردا دهێن و هەر مەهەک نێزیکی ١٠ رۆژا بەری بدەرکەڤیت ب بەراورد ب سالا بەرێ، ب جۆرەکێ هەمی هەیڤان دشێن دگەل هەمی وەرزاندا هەڤدەم بیت و د وی چارچوڤەیدا ژی مەها رەمەزانێ هەر چەند سالا جارەکێ دگەل وەرزەکێ دا دهێت.
هـ.ر