فۆتۆ:
2021-04-29
552 جار خوێندراوەتەوە
نڤێسینگەها یەکێتیا کۆچبەران و پەنابەران ل ئەلمانیا د ڤەکۆلینەکێدا ئەشکەراکر، هژمارا موسلمانان د وی وەلاتی دا د چەند سالێن داویێ دا گەهشتیە پێنج ملیۆن و ٦٠٠ هزار وەلاتیان.
نڤێسینگەها نۆرنبێرگ ب هەڤکاریا وەزارەتا ناڤخۆیا ئەلمانیا ڤەکۆلینەک بناڤێ "ژیانا موسلمانان ل سالا ٢٠٢٠ێ ل ئەلمانیا" لسەر داخازا کۆنگرێ ئیسلامی د وی وەلاتی دا هاتە ئەنجامدان.
لگورەی ڤەکۆلینێ، د نهادا دناڤبەرا پێنج ملیۆن و ٣٠٠ هزار بۆ پینج ملیۆن و ٦٠٠ هزار موسلمان د ئەلملنیا دا دژین و ٤٧% ژ وێ رێژەیی وەلاتیێن ئەلمانیانە، ئەڤەژی دکەتە ٦.٤% بۆ ٦.٧% ژ پێکهاتێن ئاکنجیێن وی وەلاتی.
هەڤبەر ب ئەنجامێ ڤەکۆلینەکا دی کو ل سالا ٢٠١٥ێ ئەنجامدایە رێژا موسلمانان ل ئەلمانیا نێزیکی ٩٠٠ هزار کەسان زێدە کریە.
ڤەکۆلینێ ئاماژە ب وێیەکێ کر، ئێک ملیۆن و ٥٠٠ هزار موسلمان ل وەلاتێن عەرەبی یێن رۆژهەلات و ناڤەراستێ کۆچکریە وەلاتێ ئەلمانیا کو دکەتە ١٩%، و ژ باکوری ئەفریقا ٨% کۆچکریە ئەلمانیا.
ڤەکۆلینێ ئەوژی دیارکر، ٢١% هژمارا موسلمانان زارۆکن کو ژیێ وان کێمترە ژ ١٥ سالیێ، هەڤدەم، ٢٢% ژ وان ژیێ وان دناڤبەرا ١٥ بۆ ٢٤ سالیێ دایە و ٥% ژیێ وان ژ ٦٥ سالیێ زێدەترە.
هانز ئیکهارد زومر سەرۆکێ نڤێسینگەها نۆرنبێرگ ڕاگەهاند، د چارچوڤێ کۆچکرنا وەلاتێن ئیسلامی ل رۆژهەلاتا نێزیک و ناڤەراستێ، وەلاتیێن موسلمان ل ئەلمانیا گەلەک د جۆراوجۆربوون.
م.م