فۆتۆ:
2021-04-24
453 جار خوێندراوەتەوە
پشتی سەراستکرنا یاسایا کۆچ و کۆچبەران، حکومەتا سوید بڕیار دا ئێدی مافێ ئاکنجیبونا هەردەمی ب پەنابەران نادەت، بەڵکو تنێ مافی ئاکنجیبونا دەمکی ب ئاوارەیێن ئاکنجیێ وی وەلاتی ددەت.
حکومەتا سوید، پڕۆژە یاسایا سەراستکرنا یاسایا کۆچ و کۆچبەران پێشکێشی پەرلەمانێ ولاتێ خۆ کر، وپشتی نەرازیبوونەکا زێدە، ب دەنگێ پرانیا پەرلەمانتاران پڕۆژە یاسایی هاتە پەسەندکرن و د مەها تەمموزێ دا دێ چیتە دبیاڤێ جێبەجێکرنێ دا.
لگوری سەراستکرنا یاسایێ، هەر پەنابەرەکێ ئاکنجیێ سوید بیت، ئەگەر داخازا ب ئیک گەهشتنا مالباتا خۆ بکەت، پێتڤیە ئەرکێ ب خۆدانکرنا وان ب ستوێ خۆڤە بگریت.
بسەدەما پێلا مەزن یا ئاوارەیان بۆ ئەوروپا، و بسەدەما شەرێ داعش و ئالوزیێن سوریا و چەندین ئارێشەیین دی، پشکەک ژ ولاتێن ئەوروپا ناچاربوون هندەک ڕیکاران ل هەمبەر ئاوارەیان بگرنەبەر و گۆڕانکاریێ د یاسایین پەنابەریێ دا بکەن.