فۆتۆ:
2021-04-20
492 جار خوێندراوەتەوە
تەلەفزیۆنا فەرمی یا ئیران بەلاڤکریە، فەرماندارەکێ بلند ل ئارتێشا قودسا ئیرانی ب کۆرۆنایێ ژیانا خۆ ژدەستدا، ئەڤە ژی ددەما سێ رۆژان دا دوو کەسێن پلە بلند د وێ ئارتێشێ دا ژیانا خۆ ژدەستدایە.
ئەڤرۆ سێشەمبی، محەمەد عەلی حەقبین فەرماندارێ بلند ل ئارتیشا قودس ب سەدەما توشبوونێ ب ڤایرۆسێ کۆرۆنایێ ژیانا خۆ ژدەستدا.
ناڤبری رۆلەکێ گرنگ د شەرێ سوریا دا هەبوو و رۆلەکێ بلند د جێبەجێکرنا سیاسەتا ئیرانێ ل عێراقێ و سوریا هەبوویە و هەڤکارەکێ سەرەکی یێ قاسم سولەیمانی فەرماندارێ بەرێ یێ ئارتێشا قودسا ئیرانی بوویە.
هەڤدەم، فەرماندارەکێ بلند بوویە د هێزێن هشکاتیێ یێن ئارتێشا پاسدارێن ئیرانێ دا.
رۆژا ١٨ی ڤێ مەهێ ژی، محەمەد حیجازی فەرماندارێ بلند و جێگرێ فەرماندەیا ئارتێشا قودسێ، بسەدەما جەلتا دلی وەغەرا داویێ کر.