فۆتۆ:
2021-04-08
598 جار خوێندراوەتەوە
خانەیا فەتوادانێ ل وەلاتێ مسرێ ڕاگەهاند، توشبوویێن ڤایرۆسێ کۆرۆنایێ و کارمەندێن ساخلەمیێ، د کارن ب رۆژی نەبن د مەها رەمەزانێ دا.
رۆپەلێ خانەیا فەتوایا مسرێ د بەرسڤا پرسیارا "حوکمێ رۆژیێن توشبوویێن کۆرۆنایێ و تیمێن نوژدارێن چارەسەرکرنا وان" بەلاڤکریە، نوژدار و پەرستار ژبەرکو راستە راست بەرکەفتن دگەل توشبوویێن کۆرۆنایێ هەیە و پێتڤیە چارەسەری و چاڤدێریا وان بکەن، بڤێیەکێ ژی ماندی دبن، دکارن ب رۆژینەبن.
ڕاگەهاندژی، ئەگەر تیما ساخلەمیێ نەچاربوون بەردەوامبن ل چارەسەرکرنا توشبوویێن کۆرۆنایێ و مەترسی بۆ سەر وانا هەبوو دکارن ب رۆژینەبن.
دبێژیت ژی، ئەگەر تیما نوژدارا بۆ دروستبیت ب رۆژینەبن ژبەر چاڤدێریا توشبوویێن کۆرۆنایێ دا ماندی نەبن و پاراستنا وان ل پێشتربیت، وەسا کەسێ توشبوویێ کۆرۆنایێ ژی ل پێشترە کو ب رۆژینەبیت و ئەو کەسێن توشبووی دکارن رۆژیان نەگرن
ژبەر وەرگرتنا چارەسەریێن نوژداری.
نێزیکی سال و نیڤایە ب سەر بەلاڤبوونا ڤایرۆسێ کۆرۆنایێ دەربازدبن و مەها رەمەزانێ ژی دووەم رەمەزانە بەر ب بەلاڤبوونا ڤایروسی بکەڤیت، سالا دەربازبووی ژی رۆپەلێن جیهانی و نوژداری چەندین رێنما بۆ وێ مەهێ بەلاڤکربوون.