فۆتۆ:
2021-04-06
335 جار خوێندراوەتەوە
واشنتۆن بڕیاردایە ب سەپاندنا سزای بسەر دەستەیا پێشەسازیا بەرەڤەنایا تورکیا، بسەدەمێ گرێبەستێن وان دگەل کەرتێ بەرەڤانیا ڕوسیا.
ئەنتۆنی بلینکن، وەزیرێ دەرڤەیێ ئەمریکا ڕاگەهاند، دەستەیا پێشەسازیێن بەرەڤانیا تورکیا، چەند سالەکە گرێبەستەکا مەزن دگەل حکومەتا ڕوسیادا ئیمزا کریە.
گوتژی، لگورەی یاسایا (کاتسا) ئەو سزایێن دەستنیشانکرین، کو پێتڤیە بهێنە سەپاندن بسەر دەستەیا بەرەڤانیا تورکیا و سەرۆکی دەستەیێ و سێ سەرکردێن دیێن سوپایێ وی ولاتی.
لگورەی سزایژی، ڕێک ب چ وەلاتیەکێ ئەمریکی ناهێتە دان مامەلێ بکەت دگەڵ وان کەسایەتیێن تورکیا، کو هاتینە سزادان، هەروەسا تەڤایا پارە و پشکا وان کەسان ل ئەمریکا دێ هێنە بلۆک کرن و دەستهەلاتدارێن ئەمریکا ب چ رەنگەکی ڤیزا نادەت ب وان کەسان بچنە ئاخا ئەمریکا.
بڕیار هاتیە دان، قەدەغەیا هنارتنا هەمی بەرهەمەکێ ئەمریکا بکەن، بۆ دەستەیا پێشەسازیا بەرەڤانیا تورکیا، هەروەسا قەدەغەکرنا پێدانا قەران، کو ژ ١٠ ملیۆن دۆلاران زێدەتربیت.