فۆتۆ:
2021-04-06
433 جار خوێندراوەتەوە
پشتی ل سالا بووری وەلاتیێن روسیا دەنگ لسەر راستڤەکرنا دەستوورێ وەلاتێ خۆدای و ب زێدەترین دەنگان گوهڕانکاری هاتنە جێگیرکرن، ڤلادمێر پوتین ئیمزا لسەر ئەنجامان کر و ب وێژی، دشێت هەیا ٢٠٣٦ێ ل پوستێ سەرۆکایەتیا وەلاتێ خۆدا بمینیت.
میدیایێن روسیا بەلاڤکریە، ڤلادمێر پوتین سەرۆکێ وەلاتی ئیمزا لسەر ئەنجامێن راپرسیا راستڤەکرنا دەستووری کریە کو تێدا هاتیە، سەرۆکێ نها دشێت بۆ دوو خولێن شەش سالێن دی خۆ بەربژێربکەت.
خولا سەرۆکایەتیا ئەڤجارە پوتین دێ ل سالا ٢٠٢٤ێ بدوماهیکهێت و پشتی وێیەکێ دشێت بۆ دوو خولێن دیێن سەرۆکایەتیێ خۆ بەربژێربکەت و بڤێژی دشێت هەیاکو ٢٠٣٦ێ بەردەوامبیت.
ل دەربارەی وێیەکێ، ئۆپۆزسیۆنا روسیا ب دژی وێ بڕیارێ راوەستیان و وەسا دزانن کو نە یاساییە و نابیت سەرۆک بۆ وی دەمێ درێژ د دەستهەلاتێدا بمینیت بۆ وێ مەبەستێ ئەنجامان رەتدکەن.
راستڤەکرنا دەستوورێ رۆسیا پێکدهێت ژ کومەلەکا بڕیارا و گوهرانکاریا دەربارەی سیاسەتا بڕێڤەبرنا وی وەلاتی و دناڤداژی، خۆ بەربژێرکرنا سەرۆکی.
ڤلادمێر پوتین ل سالا ١٩٥٢ێ ژ دایک بوویە، و ل سالا ١٩٩٩ێ هەیا ٢٠٠٠ێ بۆ دەمێ سالەکێ ب وەکالەت سەرۆکێ وەزیران بوو، ژ ٢٠٠٠ێ هەیا ٢٠٠٨ێ بوویە سەرۆکێ رۆسیا و ل ٢٠٠٨ێ ژی بوویە سەرۆکوەزیرێ وی وەلاتی، پشتی وێیەکێ ل سالا ٢٠١٢ێ جارەکادی بۆ سەرۆکاتیێ هاتە هەلبژارتن و هەیا نها بەردەوامە.