فۆتۆ:
2021-04-05
594 جار خوێندراوەتەوە
رۆژنامەیا گاردیانی یا بەریتانی بەلافکریە، فەرمانگەها ساخلەمیا نشتیمانیا وەلاتێ وان دەست ب دانا دەرمانەکێ نوی بۆ توشبوویێن پەنجەشێرا مەمکا، ب ڕەنگەکی دەمێ مانا نەخوشی ل نەخوشخانێ بۆ وەرگرتنا دەرمانی ژ دوو دەمژمێر و نیڤ بۆ پێنج خولەکان کورت کریە.
ناڤێ دەرمانی "فیسگۆ"یە و دداهاتیەکێ نێزیکدا دێ ژ ئالیێ فەرمانگەهێ ڤە ل سەرتاسەری بەریتانیا هێتە بەلافکرن.
دیلیس مۆرگان ڕێڤەبەرێ کۆمەلا خێر خوازیا پەنجەشێرا مەمکا "د نهادا" ڕاگەهاند، پەسەندکرن و مۆلەتپێدانا چارەسەریا "فیسگۆ" ژ ئالیێ فەرمانگەها ساخلەمیا بەریتانیاڤە دێ بیتە دلخوشکەرترین نووچە بۆ هزاران ژنان کو توشی پەنجەشێرا مەمکا بووینە.
دبێژیت ژی، کێمکرنا دەمێ وەرگرتنا چارەسەریێ بۆ خۆ بەرەڤ پێشڤەچوونەکا گرنگە و دەرمان ژی ب چارەسەرەکێ بهێز و کاریگەر دهێتەدانان ب تایبەتی د نهادا کو کۆرۆنا هەیە.
فیسگۆ، تێکەلەکێ کیمیاییە و ژ هەردوو مادێن بیرتوزومان و تراستوزوماب پێکهاتیە و ب رێکا دەرزیکێ و دەماران دهێتەدان بۆ وان نەخۆشێن وەرمینا پۆزەتیڤ یا HER2 هەیە، ئەڤ جۆرە ب رێژا ١٥% ب ئێک ژ بەلاڤترین جۆرێن شێرپەنجێ دهێتەدانان.