فۆتۆ:
2021-04-05
509 جار خوێندراوەتەوە
داواکارێ گشتیێ ئیسرائیلێ ڕاگەهاند، ب مەبەستا گوهداریکرن ل شاهد حالان و ب تاوانا بکارئینانا دەستهەلات و پێگەهێن وێ ب ئاوایەکێ نەیاسایی ل چارچوڤێ "ئالوگوریا مفا گەهاندن ب هەڤدوو دگەل دەزگەهێن ڕاگەهاندنا وەلاتێ وی" سەرۆکوەزیرێن وەلاتێ وی هاتینە بەردەم دادگەهێ.
لیئات بن ئاری داواکارێ گشتیێ ئیسرائیلێ ڕاگەهاند، بنیامین ناتانیاهۆ سەرۆکوەزیران ب ئاوایەکێ بەرفرەھـ دەستهەلاتا خۆ ل حکومەتێ دا بۆ بدەستڤەئینانا مفایێ کەسی و بهێزکرنا پەیوەندی و کەیسێن تایبەتێن وان و ب ئاوایەکێ نەشیاو دگەل خودان و دامەزراوێن میدیایی بکارئینایە.
رۆپەلا حورە بەلاڤکریە، سپێدەهیا ئەڤرۆ بنیامین ناتانیاهۆ گەهشتە دادگەها ناڤەندی ل قودسا رۆژهەلات بۆ دەستپێکرنا دادگەهکرنا وی دەربارەی دۆسیا گەندەلیێ.
هەڤدەم، هەر ئەڤرۆ دادگەهـ دێ گوهداریا شاهدحالان کەت لسەر دۆسیەیا فێلکرن و نەپاکیکرن ل سپاردان.
ئەڤە ددەمەکیدایە، ناتانیاهۆ ئێکەم سەرۆکوەزیرێن ئیسرائیلێیە ل دەما بەردەوامبوونێ ل دەستهەلاتێ ب تاوانا گەندەلیکرن ببەنە بەردەم دادگەهێ و هەمی تاوان ژی رەتکرن. هەڤدەم، پشتی برێڤەچوونا هەلبژارتنێن کنێست "پەرلەمان"ێ ئیسرائیلێ حزبا وی شیا ژ سەرجەمێ ١٢٠ کورسیا ٣٠ کورسیا مسۆگەربکەت و جارەکا دی ژ ئالیێ پارتا وی بۆ وەرگرتنا پۆستێ سەرۆکوەزیران کاندید کریە.
هـ.ر