فۆتۆ:
2021-04-04
358 جار خوێندراوەتەوە
ب سەدەمێ سەرپێچیا رێنمایان گەرەنتینە کربوو، کیم جونگ ئون سەرۆکێ کۆریا باکور بەرپسەکێ بلند سێدارەدا.
رۆژناما ئێکسپرێسا بەریتانی بەلافکریە، ب سەدەمێ سەرپێچیا رێنمایێن گەرەنتینەیا تایبەت ب ڤایرۆسێ کۆرۆنا کربوو بەرپرسەکێ حزبا شیوعی ل کەرتێ ئۆجۆ سێداردا.
ل گورەی زانیاریێن وێ رۆژنامێ، وی بەرپرسی فەرمان دەرئێخستیە، کو شیانێن وەرگرتنێ ل ناڤەندێن کەرەنتینەکرنێ ل وی کەرتی کێم بکەن، پشتی کو تیمەکا دیفچونێ چوینە وی کەرتی راپۆرتەک بلند کریە لسەر وێیەکێ، کو سازیێن پزیشکیێن ئۆجۆ ب باشی کار ناکەن، ب وی سەدەمی ژی سزایێ سێدارەدانێ بۆ بەرپرسێ وی کەرتی دەرئێخست.
لگورەی ژێدەرێ هایدار ژی، دوی دەمیدا کەرتی ئۆجۆ ئاریشا کێمیا پارەی هەبوو و پێتڤی بوو چەند پێنگاڤان بهاڤێژیت بۆ هندێ گڤاشتنا سەر نەخوشخانە و ناڤەندێن تایبەت ب کەرەنتینەکرنێ بهێنە کێمکرن، لێ ئەو بڕیارە بویە سەدەمێ سێدارەدانا خۆدانێ بڕیارێ.
کۆریا باکور تا نها رەتدکەت چ توشبوویەکێ ڤایرۆسێ کۆرۆنا د وی وەلاتیدا هەبیت، هەڤدەم رێوشوێنێن توند ل دژی ڤایرۆسێ د گریتە بەر و کەرەنتینەژی گەهاندیە بلندترین پلە و لادانا ژ رێنمایان دێ بیتە سەدەمێ ژیان ژ دەستدانا سەرپێچیکاران.