فۆتۆ:
2021-04-04
474 جار خوێندراوەتەوە
هەریەک ژ سەرۆکێ هەرێمێ و سەرۆکێ حکومەتا هەرێما کوردستانێ پشتەڤانیا خۆ بۆ شاهـ عەبدولا و شاهنشینێ ئوردنێ ڕاگەهاند کو ل شەڤا دەربازبووی ل وی وەلاتی بزاڤێن کودەتایێ هاتبوونەکرن.
نڤیسینگەها مەسرور بارزانی سەرۆکێ حکومەتا هەرێما کوردستانێ بەلاڤکر، سەرۆکێ حکومەتێ د پەیامەکێ دا بۆ شاهـ عەبدولا شاهێ ئوردنێ، پشتەڤانیا خۆ یا تەمام و حکومەتا هەرێما کوردستانێ بۆ دیارکریە.
هەڤدەم نێچیرڤان بارزانی سەرۆکێ هەرێما کوردستانێ د تویتەکی دا ڕاگەهاند، "هەمی پشتەڤانی بۆ خاوەنشکۆ شاهـ عەبدولایێ دووێ یێ شاهنشینا ئوردنێ یا هاشمی و مالباتا شاهانە و ئارامی و ئاسایش و سەقامگێریا ئوردن و گەلێ وی تەکەز دکەین. هەردەم دلێ مەیێ دگەل وان، خودێ وان ب پارێزیت".
شەڤا دەربازبووی، میدیایێن ئوردنێ بەلاڤکرن، حکومەتا وەلاتێ وان بزاڤەکا کودەتایێ شکاند. رۆژنامەیا واشنتن ژی بەحسا وێیەکێ کر، حەزەیێ کورێ حسێن، شاهزادەیێ جهنشینێ بەرێ دخواست کودەتایێ بسەر شاهـ عەبدولایێ دووێ برایێ خۆ دا بکەت.
و.ح