فۆتۆ:
2021-03-30
563 جار خوێندراوەتەوە
سەرۆکایەتیا کۆمارا سوریا ڕاگەهاند، داوی پشکنینا کۆرۆنایا بەشار ئەسەد سەرۆکێ وی وەلاتی و ئەسمایا هەڤژینا وی دەرخستیە کو ئەو پەتا ب تەمامی دەربازکریە و ژ ئەڤرۆ ب ئاوایەکێ ئاسایی دێ دەست ب کارێن خۆ کەن.
ئەڤرۆ سێشەمبی، سەرۆکایەتی کۆمارا سوریا د راگەهاندنەکێدا ئاماژە ب وێ یەکێ کر، ئەنجامێ پشکنینا PCR یا بەشار ئەسەد و ئەسمایا هەڤژینا وی دەرخستیە نێگەتیڤە.
هەروەسا دبێژیت، د نهادا پشکنینا دەرخستیە کو وان پەتا دەربازکریە و ژ ئەڤرۆ ب ئاوایەکێ ئاسایی دێ دەست ب کارێن خۆ کەن.
بەریا نها، ل ٨ێ ڤێ مەهێ سەرۆکایەتیا کۆمار یا سوریا ڕاگەهاند، بەشار ئەسەد سەرۆکێ وەلات و ئەسمایا هەڤژینا وی توشی پەتایا کورونایێ بوون و نیشان ب ئاوایەکێ سڤک لێ دەرکەفتینە و ل مال خۆ کەرەنتینە دکەن و چاڤدێری و سەرپەرشتیاریا برێڤەچوونا کارێن خو دکەن.
هـ.ر