فۆتۆ:
2021-03-29
599 جار خوێندراوەتەوە
کەشتا ئێڤەرگین کو بو ماوێ شەش رۆژا ل نوکەندا سوێس ئاسێ ما بوو ژ سەدەما ١٠ بارهەلگرێن مەزن و ل چار ئاراستێن جیاواز دا ئێخستیە سەر رێکا ئاسایی یا خۆ، بڤێ ژی دەرازینکا نوکەندێ ب رۆیێ کەشتیڤانێن ناڤدەولەتیدا هاتیە ڤەکرن و دێ لڤینێن بازرگانی دەست پێکەن.
ئوسامە رەبیع سەرۆکێ دەستەیا نۆکەندا سوێس د ڕاگەهاندنەکێ دا ئاماژە ب وێ یەکێ دا، ژ سەدەمێ بکارئینانا ١٠ بارهەلگرێن مەزن و ژ چار ئاراستێن جیاواز دا دەستکریە ب بزاڤێن لڤاندنا کەشتا ئیڤەرگیڤن.
ڕاگەهاند ژی، دابەشکرنا بارهەلگران ب مەبەستا راکێشانا بەشێ پێشیێ یێ کەشتیێ ب ئاراستا باکور کو هەر ئێک ژ بارهەلگرا ''بەرەکەیا ١'' و ''عیزەت عادل'' و ب هێزا ١٦٠ تەنا دێ راکێشن. هەڤدەم، چار بارهەلگرێن دی ل رەخێ پشتێ یێ کەشتیێ دمینن.
ئەو یەک ژی بەرچاڤکر، هەردوو بارهەلگرێن ''عەبدولحەمید یوسف'' و ''مستەفا مەحمود'' و ب گوری ٧٠ تەن و بارهەلگرێن ''پۆرسەعید١'' و ''پۆر سەعید٢'' هەڤکاریا بارهەلگرێن دی دکەن.
بەحس ژ وێ یەکێ ژی کر، دوو بارهەلگرێن دی کو ئێک ژ وان ئەی (APL GURAD) هولەندیە و ب هێزا ٢٨٥ تەنا ل تەنشت بەشێ پشتێ یێ کەشتیێ دمینن، هەڤدەم، بارهەلگرا مارادیف و کەشتیێن ''بژی میسر١'' و ''بژی میسر٢'ه بەرەڤ باکور کەشتیێ رادکێشن.
ئیڤەرگیڤن ئالایێ پەنەما لسەرە و ژ ئالیێ کۆمپانیا ''ئیڤەرگیڤن'' یا تایوانی ئێخستیە کاری و ب مەبەستا گەشتەکا بازرگانی بەرەڤ پێنج وەلاتێن جیهانێ رێکەفتیە کو ژ چینێ دەستپێکریە و بڕیارە ل ٣١ی ئادارێ بەندەرێ روتردامێ هولەندی داوی بنگەهـ بیت کو دگەهیت و ل گەندەر دگریت.
هـ.ر