فۆتۆ:
2021-03-28
485 جار خوێندراوەتەوە
میدیایێن جیهانێ بەلاڤکریە، پۆلیسێن فرەنسا ١٠ کەسێن ب رەگەز کوردی ب تاوانا پەیوەندیا وان دگەل پەکەکە هاتیە دەستەسەرکرن.
ژێدەرەک ژ وەزارەتا داد یا فرەنسا بو میدیایێن وەلاتێ خۆ ڕاگەهاند، ١٠ کەس ژ ئالیێ پۆلیساڤە ئیخستنە ژێر چاڤدێریێ کو نەهـ کەس ب تاوانا پارەدارکرن و پەیوەندی دگەل رێکخراوا پەکەکەدا دەستەسەرکرن و ڤەکولینا وان دگەل دا دێ هێتە ئەنجامدان.
ژێدەری ئاماژە ب وێ یەکی کر، ل هەردوو باژێرێن پاریس و مارسیلیا بزاڤێن وان بەردەوامن بۆ دەستەسەرکرنا چالاکڤانان و ئالیگرێن پارتا کرێکارێن کوردستانێ.
ئاژانسا زە ئیندیپێندیت بەحس ژ وێ یەکێ کر، جان لۆک، رابەرێ پارتا چەپا فرەنسا ڕاگەهاندیە، ب تاوان ناساندنا چالاکڤانێن کورد ل فرەنسا ژ ئالیێ وەزارەتا دەرڤە و نافخۆ بریتیە ژ لهەڤهاتنا تەمام دگەل دکتاتورێ تورکیادا.
هەڤدەم پارتا شیوعی فرەنسا ل بەلاڤکرنەکێ دا ڕاگەهاند، ماکرون ل سەر حسابا کوردان دڤێت پەیوەندیێن خۆ دگەل ئەردۆغاندا ئاسایی بکەت.
ل دەستپێکا ئەڤسالە ماکرۆن و ئەردۆغان ب ئاوایێ نامەگوهرین و تەلەفون و جڤینا ڤیدیویی پەیوەندی ئەنجامدایە و هەردوو ئالیا تەکەست ژ ئاساییکرنا پەیوەندیێن دناڤبەرا هەردوو وەلاتا دا کریە.
هـ.ر