فۆتۆ:
2021-03-27
332 جار خوێندراوەتەوە
میدیا یا فەرمیا تورکیا بەلاڤکریە، دادگەهەکا وەلاتێ وان بڕیارا سزایا زیندانیکرنا هەتاهەتایی بسەر دوو ئەفسەرێن بلند یێن پولیسێن وەلاتێ وان دایە، ب توهمەتا وێیەکێ ١٤ سالان بەریانها دەست د کوشتنا رۆژنامەڤانەکێ ئەرمەنیدا هەبوویە.
لگورەی بڕیارا دادگەها تورکیا، عەلی فوات رێڤەبەرێ بەرێ یێ هەوالگیریا پولیسان ب سزایێ زیندانیکرنا هەتاهەتایێ بێی چ لێبورینەکێ، هەڤدەم رەمەزان ئاکیوریک بەرپرسەکێ دیێ پولیسێن وی وەلاتی ب سزایێ زیندانیکرنا هەتاهەتایێ هاتەسزادان.
هرانت دینک، رۆژنامەڤانەکێ ب رەگەز ئەرمەنی بوو و ل رۆژناما حەفتیانە یا ئاگۆس کو ب زمانێ تورکی و ئەرمەنی دەردکەت رۆژنامەڤان بوویە، پشتی وێیەکێ ل مەها کانوونا ئێکێ ٢٠٠٧ێدا ل نڤێسینگەها رۆژناما خۆ ل باژێرێ ئیستەمبولێ دچیتە ژدەرڤە و دەسترێژیا گولەیان لسەر دهێتەکرن و دهێتە کوشتن، پشتی بویەرێ ژی ب دەهان هزار کەسان خوپێشاندان و خرڤەبوون ل دژی وێ کریارێ ئەنجامدان.