فۆتۆ:
2021-03-25
854 جار خوێندراوەتەوە
دەزگەهێن ئەمنی یێن سعودیێ ڕاگەهاند، دوو وەلاتیێن پاکستانێ دەستەسەرکرینە، کو لبەربوو پارچە پەرۆکێ کەعبێ ببەنە ژدەرڤەی وەلاتی و بفرۆشن.
رۆژناما وەتەنی یا سعودیا ژ زارێ ژێدەرەکێ ئەمنی ڕاگەهاند، دوو وەلاتی دەستەسەرکرینە، کو ب رەگەز پاکستانینە و مژویلی وێ بوون حەفت پارچێن پەرۆکێ کەعبێ فرێکەنە ژدەرڤە و بفرۆشن.
وێ رۆژنامێ ئەوژی دادیارکرن، پشتی ڤەکولینێ دگەل وان دیاربوو ئەو پارچە ب کەسەکێ هندی فرۆتینە، هەر پارچەیەک ژی ب ٣٠٠ ریالێن سعودی فرۆتینە.
ئاماژە بوێیەکێ ژیکر، ئەو دوو توهمەتبار رادەستی پولیسێن مەکەهێ کرینە بۆ ئەوێ ڤەکولینێن زێدەتر دگەلدا بهێنەکرن و پاشان دێ رادەستی دادگەهێ کەن هەیا کە بگەهنە سزایێ خۆیێ یاسای.
کەعبە؛ یەک ژ جهێن پیرۆزێن ئایینێ ئیسلامێ و سالانە چەندین موسلمان ژ دەڤەرێن جودا یێن جیهانێ قەستا وێ دکەن بۆ ئەنجامدانا هەردوو فەریزێن حەج و عومرێ و دیرۆکا دروستکرنا کوعبێ ڤەدگەریت بۆ سەردەمێ ئیبراهیم پێغەمبەری و چەندین جاران کارێ نویژەنکرنێ بۆ هاتیە کرن.
هەڤدەم ئەو پەردەیا لسەر کەعبێ ل کوگەها عەبدولعەزیز دهێتە دروستکرن و بۆ دروستکرنا وێ پەردێ ژی ٢٠٠ کەس کاری تێدا دکەن کو هەمی کەسێن زیرەک و پسپۆرن.