فۆتۆ:
2021-03-24
807 جار خوێندراوەتەوە
هێزێن ئەولەکاریا حەلەبێ ل سوریا بابەکی ب تۆمەتا کوشتنا کچا وی یا سێ سالی دەستەسەردکەن، کو ب سەدەما گریانەکا زێدە شەق لێدایە.
ل گۆڕەی نوچەیەکێ ڕۆسیا تودەی، وەزارەتا نافخۆیا سوریا د ڕۆپەلا خۆ یا فەرمی دا ل فەیسبووکی گرتەیەکا ڤیدیۆی یا دانپێدانا بابەکێ بەلاڤکریە، کو ئاماژە ب وێیەکێ کریە ب رێکا پۆلیسان خەبەرێ مرنا زارۆکەکا سێ سالی ل نەخوشخانەیا رازی ل حەلەبێ گەهشتیێ، کو ژ قاتێ دووێ یێ جهێ نڤستنێ کەفتیە خارێ و ژیانا خۆ ژ دەستدایە.
پاشان د ڕاپۆڕتا نوژداران دا دەرکەتیە، زارۆک ب سەدەما خۆین بەربوونا مێشکی ژیانا خۆ ژ دەستدایە، کو شەق لسەرێ وێ هاتیە دان و پاشان توشی خۆین بەربوونێ بوویە.
د ڕاگەهاندنا وەزارەتێ دا هاتیە، پشتی ڤەکولینان دەرکەتیە چ نیشانێن نڤستنا دوو قاتی د مالا وی دا نینن، بەلکو زارۆک بەریا مرنێ ل رۆژێن بەریا وی دەمی ب لەشی خۆ هاتیە سزادان.
دەما تاوانا کوشتنا وێ زارۆکا سێ سالی رووبروویێ بابێ وێ هاتیە کرن، بابێ وێ ئاشکراکر، سێ مەهان بەریا هنگی دەینایە کچا خۆ و پێیێ وێ شکاندیە، ل رۆژا تاوانێ ژییدا ب سەدەما وێ یەکێ کچا وی بەردەوام گرایە و بێدەنگ نەبوویە شەقەک ل سەرێ وێ دایە، زارۆک بێ هۆۆشبوویە و کەفتیە و ل نەخۆشخانێ ژیانا خۆ ژ دەستدایە.
و.ح