فۆتۆ:
2021-03-22
602 جار خوێندراوەتەوە
نەتەوەیێن هەڤگرتی ڕاگەھاند، هەیا سالا ٢٠٥٠ێ دێ ل سەرانسەرى جیهانێ نێزیکی پێنج ملیار کەسان ئاریشەیا ئاڤێ هەبیت.
وەکێ ئەڤڕۆ ل سالا ١٩٩٣ێ ل ٢٢/٣ وەک رۆژا جیھانیا ئاڤێ ھاتیە دەستنیشانکرن بۆ وێیەکێ ژێدەڕێن ئاڤا شرین یا ڤەخارنێ ل جیھانێ بھێنە پاراستن.
نەتەوەیێن هەڤگرتی ژی ڕادگەھینین، نوکە ل سەرانسەری جیھانێ نێزیکی ٣.٦ ملیار کەسان دێ کێشەیا کێمیا ئاڤێ هەبیت وهەیا سالا ٢٠٥٠ێ ژی دێ گەھیتە ٥.٧ ملیار کەسان.
ژ ئالیێ خۆ ڤە رێکخراوا یونسکۆ دیارکریە، ئاڤ کارتێکرنەکا تەمام ل سەر ئابۆری، و جڤاکی، و سیاسەتێ و مرۆڤایەتیێ دکەت، دبێژیت ژی، نابیت وەسا هزربکەین ئاڤ بتنێ بۆ شکاندنا تێھنا مرۆڤانە.
ئاریشەیا کێمبوونا ئاڤێ ل جیهانێ ل سالێن بهێت دێ گەلەک وەلاتان بخۆڤە گریت، ل گۆره‌ی راپۆرتەکا نەتەوەیێن هەڤگرتی ١٧ وەلاتێن عەرەبی دبن مەترسیا نه‌مانا ئاڤێ دانە.