فۆتۆ:
2021-03-22
507 جار خوێندراوەتەوە
هەڤسەرۆکێ بەرێ یێ هەدەپێ ڕاگەهاند، سەرۆک کۆمارێ تورکیا ب رێکا داخستنا هەدەپێ ب ئاوایەکێ نەیاسایی دخوازیت د هەلبژارتنێن بهێت دا سەرکەڤتنێ بدەست بئێخیت .
سەلاحەدین دەمیرتاش، ب ئاژانسا نۆچەیێن فرانس پرێس ڕاگەهاند، سەرەکیترین ئەگەر، کو وەسا دکەت دەستهەلاتدارێن تورکیا بزاڤان بکەن دابئێخین ئەو کو رێکێ بدەت هەڤپەیمانیا کوماری د هەلبژارتنێن بهێت دا سەرکەڤتنێ بدەست بئێخیت و شکەستنا خو ڤەشێریت.
هەروەسا دبێژیت، ئەو تۆهمەتێن لدیڤ هەدەپێ دروست کرین بەس نینن داکو د نها وێ پارتێ ژى قەدەغە بکەن هەروەسا هیڤی خاست دادگەها دەستوری پشتەڤانیا ڤێ بزاڤێ نەکەت و کەیسێ رەت بکەت .
سەلاحەدین دەمیرتاش ئاماژە ب وێیەکێ دکەت، ئەوا بەرامبەر پارتا وى دهێتەکرن عەقلیەتا بێدەنکرنا دەستهەلاتێ یە.
ئەڤ یەک بەرچاڤکر، گرنگی نینە چەند رێگرى لبەر مە بهێنە کرن ، گرنگ ئەوە سیاسەتا مە گەشە دکەت، ئەم دەستان ژ دیموکراسیێ و برێڤەبرنا دیموکراسیێ بەرنادەین.
دەمیرتاش بەحسێ هندێ دکەت ، مل ب ملێ گەلێ خۆ ئەم دێ خەباتێ کەین و شەری دکەین بۆ بدەست ڤە ئینانا مافێن وان.
بهێجەتا هەبوونا پەیوەندیان دگەل پارتیا کارکەرێم کوردستانێ پەکەکێ، دەما چەند سالانە، تورکیا فشارێن خو خۆرترکرنە بۆ سەر پارتیا دەموکراتیک یا گەلان هەدەپێ کو سێیەم مەزنترین پارتیە دناڤ پارلەمانێ تورکیا و بزاڤا داخستا وێ ددەت.