فۆتۆ:
2021-03-19
487 جار خوێندراوەتەوە
زێدەبارێ هایداریان، ئاژانسا دەرمانێن ئەوروپا بەردەوامە ژ بکارئینانا ڤاکسینا ئەسترازینیکا و ب ڤاکسینەکا سەلامەت و کاریگەر بناڤدکەت.
ئیمیر کۆک، ڕێڤەبەرێ ئاژانسا دەرمانێن ئەوروپا راگەهاند، لژنەیا وان گەهشتیە وى ئەنجامی کو ڤاکسینا ئەسترازینکا یا سەلامەت و کاریگەرە و بەحس دکەت ڤاکسین مەترسیێ لسەر جەلتەیا خوینێ زێدە ناکەت و دبێژیت: ئاژانس ب چ ئاوایەکێ نەشێت دەسبەردارى ڤاکسینێ بیت.
هەروەسا گوت، وان چاڤدێریا حەفت ملیۆن کەسان کریە کو ڤاكسینا ئەسترازینیکا ژ وەلاتێن ئەوروپا وەرگرتنە و دێ ڤەکۆلینێن زێدەتر بکەن داکو پتر زانیاریان لسەر ئەنجامێن ڤاکسینێ دەست بکەڤن.
د دەما دەربازبوویدا دا چەندین راپۆت دەربارێ مەترسیێن بکارئنینا ڤاکسینا ئەسترازینکا هاتنە بەلاڤکرن، کو دبێژن دبیتە ئەگەرێ جەلتەیا خوینێ و چەندین کاریگەریێن دى هەنە ڤێ یەکێ ژى وەسا کر نێزیکی ١٥ وەلات کو دناڤ دا ئەڵمانیا و فەرەنسا و ئیتاڵیا هەنە، بکارئینانا ڤاکسینێ راگرتیە .
هـ.إ