فۆتۆ:
2021-03-17
511 جار خوێندراوەتەوە
داخازکەرێ گشتیێ کۆماریا دادگەها بلند یا تورکیا دوسیەکێ ل دادگەها دەستوریا تورکیادا بۆ دائێخستنا پارتی دیموکراتی گەلان (هەدەپە) ڤەکریە.
ئەڤرۆ چارشەمبێ، ب ئارمانجا دائێخستنا هەدەپێ، داخازکەرێ گشتیێ تورکیا نڤیسارەک ئاراستەی دادگەها دەستوریا وەلاتی کریە.
بەکر شاهین، داخزکەرێ گشتیێ تورکیا ڤەکولینێ ل هەدەپێ دکەت و ب دیتنا وی ئەو پارتە دگەل دەولەتێ و وەلاتیان دا ناگونجیت.
هەر ئەڤڕۆ، عومەر فاروق جەرگەریلۆغڵو، ئەندامێ فراکسیونا هەدەپێ و چالاکڤانێ مافێن مرۆڤی بڕیارا دەرکرنێ ژ ئەندامەتیا پەرلەمانێ تورکیا بۆ دەرکر ب توهمەتا بانگەشەیا تیرۆرێ.
نێزیکێ دوو سالایە سەلاحەدین دەمیرتاش هەڤسەروکێ بەرێ یێ هەدەپێ و ب دەهان سەرکردە و پەرلەمانتارێن وێ حزبێ ب توهمەتا بانگەشەیا تیرۆرێ و پشتەڤانیێ ل پەکەکێ هاتینە دەستەسەرکرن.
هـ.إ