فۆتۆ:
2021-03-14
493 جار خوێندراوەتەوە
ب سەرپەرشتیا جڤاتا بلندا کاروبارێن ئیسلامی ل میسر و ب بەشداریا زێدەتر ژ ٣٥ وەلاتان کونگرێ ناڤدەولەتی بۆ گوتوبێژا ئاینان و کەلتوران ل قاهیرە یا پایتەختێ وی وەلاتی برێڤەچوو.
د کونگرەی دا بریارە گوتوبێژ دەربارەی زێدەتر ژ ٣٠ بابەتا سەبارەت ب گوتوبێژێن ئاینان و کەلتورێن جیاواز بهێتە کرن کارێ کونگرەی ژی ب سەر ٦ تەوەراندا هاتیە دابەشکرن.
تەوەر دەربارەی چەمکێ گوتوبێژ و ئارمانجێن وان عەقلانیبوونا گوتوبێژ و پەیوەندی ب ئاریشێن نوی، گوتوبێژ و هەڤبەشیا مروڤان و گوتوبێژ و رێزگرتنا یێن دی و گوتوبێژێن بنیادنەر ل بەرهنگاربوونا تیرور و دروستکرنا ئاشتیێ بۆ مروڤان دبن.
هەڤدەم، د کونگرەیدا نوینەرێ هەر ئێک ژ هەرێما کوردستانێ و روسیا و فرەنسا و هولەندا و سویسرا و سعودیە و ئیمارات و سودان و کینیا و مالی و پاکستان و کازاخستان و بەرازیل و مەکسیک و چەند وەلاتین دی بەشدارن.
کونگرە ل قاهیرە یا پایتەختێ میسرێ برێڤەدچیت و بریارە دوو روژا ڤەکێشیت، زێدەتر ژ ٣٥ وەلات بەشداریێ تێدا دکەن و بسپور بۆچوون و ڤەکولینا ئەکادیمی دەربارەی ئایینان و پێکڤە ژیانێ پێشکێش دکەن.
هـ.ر