فۆتۆ:
2021-03-07
1100 جار خوێندراوەتەوە
دەزگەهێ لوتکە ڕاگەهاند، رۆژا ٣ی ڤێ مەهێ ل رێکا ئەفریقیا بەرەڤ یەمەن، ب سەدەمێ پالدانێ ژ ئالیێ قاچاخچەیەکی بۆ ناڤ دەریایی،ژ سەرجەمێ ٨٠ کوچبەران ٢٠ ژوان ژیانا خۆ ژ دەستدا.
ئەڤرۆ یەکشەمبێ، دەزگەهێ لوتکە بۆ کاروبارێن ئاوارەیان و کوچبەران د ڕاگەهاندنەکێدا بەحس لوێیەکێ کر، رۆژا ٣ی ڤێ مەهێ، ب سەدەمێ پالدانێ ژ ئالیێ قاچاخچەیەکی بۆ ناڤ دەریای، ٢٠ کوچبەران ژیانا خۆ ژ دەستدا، کو تنێ ددەما شەش مەهاندا ئەڤە سیێەم بویەرا هەڤرایە روویبدەت.
د ڕاگەهاندنا دەزگەهێ لوتکەژیدا هاتیە، بەلەمەک کو ٢٠٠ کوچبەرێن ئەفریقێ تێدابوون ژ وەلاتەکێ ئەفریقا دڤیان بەرەڤ یەمەن بچن، لێ پشتی دەمژمێرەکێ ژ دەرکەفتنا وان، قاچاخچی ٨٠ سەرنشین هاڤێتنە دناڤ دەریایدا ب هێجەتا قەرەبالغیا بەلەمێ.
دەزگەهێ لوتکە ئاماژە بوێیەکێ ژیکر، رۆژا پێنج شەمبێ، تەرمێ ٥ ژ قوربانیان دیتن و رزگاربویژی ل وەلاتێ جیبوتی دهێنە چارەسەرکرن.
لگورەی زانیاریێن دەزگەهێ لوتکە، ٢٠٠ کوچبەرێن کو کوچبەرێن کێمتر ژ ژیێ ١٨ سالیێژی تێدا بوون، کو دڤیان بچنە یەمەنێ و پشترا بچنە سعودیێ بۆ دیتنا دەلیڤەێن کاری.
سالانە ب هزاران کەس وەلاتێن خۆ بجهدهێلن ب سەدەمێ دیتنا کاری یان دابینکرنا ژیانەکا باشتر بو خۆ، دچنە وەلاتێن دی.
هـ.إ