فۆتۆ:
2021-03-06
368 جار خوێندراوەتەوە
ئاژانسا فەرمیا ئیرانی ڕاگەهاند، سوپایێ پاسدارێن ئیرانێ بزاڤێن رەڤاندنا بالەفڕەکا ئیرانی ژناڤبرنە کو ژ باژارێ ئەهوازێ بەرەڤ باژارێ مەشهەدێ رێکەتبوو.
ئاژانسا فەرمیا ئیرانی "IRNA" ڕاگەهاند، کو سوپایێ پاسداران ئەشکراکربوو، نێزیکی دەمژمێر ١٠ی شەڤا دەربازبووی، بالەفڕەک ژ بالەفرەک ل بالەفرخانەیا باژارێ ئەهوازێ بەرەڤ باژارێ مەشهەدێ رێکەتبوو، لێ دەستپێکا گەشتێ ژ ئالیێ چەند کەسان ڤە بزاڤێن ڕەڤاندنا بالەفرێ هاتەدان.
ئاماژە ب وێیەکێ ژی کریە، هێزێن ئاسایشا ئەسمانیا سەر ب سوپایێ پاسدارێن ئیرانێ ڤە رێگری ل بزاڤێن ڕەڤاندنێ کرنە و بالەفر ل بالەفرخانەیا ئەسفەهانێ ژ نشکەکێ ڤە دانایە.
ئەوژی هاتیە، ئەو کەسێن بزاڤا ڕەڤاندنا بالەفرێ دای هاتنە دەستەسەرکرن، دەربارەی سەرنشینێن بالەفرێ ژی ئاماژە ب وێیەکێ کریە، زیان نەگەهشتنە کەس ژ وان و ب بالەفرەکا دی بۆ مەشهەدێ هاتنە شاندن.
سوپایێ پاسداران زەلال ژی کریە، وان کەسێن بزاڤا رەڤاندنا بالەفرێ کربوون دخواستن بالەفرێ ببەن وەلاتەکێ کەنداڤی، لێ بزاڤا وان هاتە ژناڤبرن، بەحسا وێیەکێ ژی کریە، کو د نها دا ڤەکولینان لسەر بویەرێ دەستپێکریە و بەردەوام دیفچوون لسەر دهێتەکرن.
و.ح