فۆتۆ:
2021-03-01
601 جار خوێندراوەتەوە
ل گۆرەی ئاژانسێن نوچەی، کێمەکێ بەریا نها، دادگەها فەرەنسا ب تومەتا گەندەلیێ، نیکولا سارکۆزی سەرۆککومارێ بەرێ یێ وی وەلاتی ب سێ سالێن زیندانکرنێ هاتە سزادان.
دادگەها فەرەنسا ب تومەتا گەندەلیێ و بەرتیلدانی سزایێ زیندانکرنێ بۆ نیکۆلا سارکۆز سەرۆکێ بەرێ یێ وی وەلاتی دەرخست، ب رەنگەکێ دوو سال بۆ سرکرنا وی دێ هیتە کرن، بتنێ یەک سال بۆ بەندکرنێ دێ بۆ هێتە هەژمارتن.
ل گۆرەی ژێدەران، ئەگەر دادگەها بالندا فەرەنسا تومەتان یەک ئالی بکەت، سارکۆز هەمی وان سالان دناڤا دیوارێن زیندانێ دا نابەتە سەر، بلکو دێ ب ریکا ئامیرەکێ چاڤدێریا لڤینێن وی هێتە کرن و د مەودایەکێ کێمدا ماف هەیە کارین خۆ دەربازبکەت.
نیکۆلا سارکۆز، ژیێ وی ٦٦ سالە، دناڤبەرا سالێن ٢٠٠٧ بۆ ٢٠١٢ سەرۆک کومارێ فەرەنسا بوویە، پشتی تەمامبوونا دەمێ وی ژی چەند جاران ب تومەتا گەندەلی و بەرتیلان هاتیە دادگەهکرن.
بەریا نهاژی، هەریەک ل فرانسۆ هولاند و جاک شیراک کو بەریا نها سەرۆکێ فەرەنسا بوویە، ب تومەتا گەندەلیێ و بەرتیلدانێ سزادانە.
و.ح