فۆتۆ:
2021-02-20
604 جار خوێندراوەتەوە
سەرۆکوەزیرێن جورجیا، ب سەدەمێ جوداها بیروبووچونا دگەل تیما وەزیرین خۆ دەربارەی بڕیارا دەستەسەرکرنا سەرکردێ یەکگرتنا نشتیمانی، دەست ژکارکێشا.
گیۆرگی خارسیا سەرۆکوەزیرێن جورجیا د کۆنفرانسەکێ رۆژنامەڤانیدا ل تبلسا پایتەخت بەحس ل وێیەکێ کر، رەخنە ل دەستەسەرکرنا نیکا میلیا سەرکردێ پارتا بزاڤا یەکگرتنا نیشتیمانیا وەلاتێ وی هەیە و بەحس ل وێ یەکێ ژی کر، کو نها د وەلاتیدا ئالوزیێن سیاسی یێن هەنە و ئەو بڕیار ئالوزیان زێدەتر دکەت.
دەربارەی وێیەکێ ژی، وەزارەتا ناڤخۆیا جورجیا د ڕاگەهاندنەکێدا بەلافکر، پشتی دەست ژکارکێشانا سەرۆکوەزیران، بڕیارا دەستەسەرکرنا نیکا میلیایی ب ڕەنگەکێ دەمکی هاتە پاشئێخستن.
دوهی دادگەها باژێڕێ تبلس بڕیارا دەستەسەرکرنا نیکا میلیای دەرئێخست کو کارڤەدانێن پارتێن دیێن ئۆپۆزسیۆنێ ب دویف خۆدا ئینان.
لگۆڕەی دەستورێ جورجیا، پێتڤیە پارتا دەستهەلاتدار ددەما حەفتیەکێدا، بەربژێر بۆ پۆستێ سەرۆکوەزیرێن نوی، هەروەسا لیستا کابینا نویا حکومەتێ پێشکێشی سەرۆک کۆمار بکەت.
جورجیا، ژ باکوریڤە هەڤسنورا روسیایە و ژ باشوری ئەرمەنستان و ژ رۆژهەلاتی ئازەربایجان جیرانێن وى وەلاتینە و ژ رۆژئاڤایژیڤە دچیتە سەر دەریا رەش. ژ باشورێ رۆژئاڤا، سنورێ هەڤبەش دگەل تورکیا هەیە. ل گۆڕەی ئامارێن سالا ٢٠١٤ێ هەژمارا ئاکنجیێن وەلاتێ جورجیا زێدەتر ژ چار ملیۆن کەسایە.
هـ.إ