فۆتۆ:
2021-02-19
627 جار خوێندراوەتەوە
هێزێن پاراستنا گەل هەسەدە ڕاگەهاند، هێزێن وان د ئۆپراسیۆنەکا چڕ دا ل دەڤەرا دێرەزور، شیاینە ٨٧ چەکدارین داعش دەستەسەربکەن .
هەسەدە د ڕاگەهاندنەکی دا بەحسا وێ یەکێ کریە ، ڕێکخراوا داعش ڤەلڤینێن خۆ ل دەڤەرێ چڕ کرینە بۆ ب ئارمانجکرنا وەڵاتی و ئەندامێن ئیدارەیا خۆسەر، د داویى هێرشێ دا ژی دوو ئەندامێن هێزێن وان ل دێرەزورێ ژ ئالی شانەیین نڤستیێن داعش هاتنە کوشتن.
د ڕاگەهاندنەکی دا ژی ئەو یەک هاتیە، د چارچوڤێ هێرشێن داعشدا و د دەما چەند ڕۆژێن دەربازبوی دا ئۆپراسیۆنەکا بەرفرهـ ل چەند دەڤەرێن جودا جودا هاتنە ئەنجامدان و شیاینە ٨٧ چەکدارێن داعش دەستەسەربکەن د ناڤ وان دا ژی بکوژێ دوو ئەندامێن وان تێدا هەبوویە .
هەسەدە زەلالکر ژی، هەر د وێ ئۆپراسیۆنێ دا کارینە دەست بسەر چەندین کەلوپەلێن سەربازی و چەکی شانەیین نڤستی یێن داعش ل دەڤەرا دیشیسە .
هەڤدەم هەسەدە بریار دا ماتۆران ل دەڤەرا ڕەقەیێ قەدەغە بکەن، ئەڤە ژی پشتی چڕبۆنا هێرشێن داعش ب رێیا بکارئینانا ماتۆران.
هـ.إ