فۆتۆ:
2021-02-19
716 جار خوێندراوەتەوە
رەجەب تەیب ئەردۆغان سەرۆک کۆمارێ تورکیا سکالا دژی کەمال کلیچدار ئۆغڵو، سەرکردێ ئۆپۆزسیۆنا وى وەلاتى تۆمارکر، کو بەرپرسیارێتیا کوشتنا ١٣ ئێخسیرێن ولاتێ خوە ئێخستیە پال وی.
د سکاڵایی دا، ئەردۆغان، کەمال کلیچدار ئۆغڵو سەرۆکێ پارتا کۆماریا تورکیا ب شێواندنا رەوشا دەروونیا وەڵاتیان تۆهمەتبار کریە .
کەمال کلیچدار ئۆغڵو د دەمەکێ دا کو ئەو ١٣ ئێخسیرێن تورکیا ل چیایی گارە هاتبونە کوشتن، لسەر شاشەیێن تەلەفزیونان ئەردۆغان ب ئەگەرێ کوشتنا وان بناڤبربوو.
سەرۆکێ جەهەپە راگەهاندبوو، حکومەتێ ژیانا وان ئیخسیران ئێخستبو د مەترسی دا و ل جهێ گوتوبیژان ئۆپڕاسیۆنەکا شکستخواری ئەنجامدایە.
لگورەی نۆچەیەکێ ئاژانسا ئەنادۆڵا تورکی، ئەردۆغان د هەمبەرا دا، داخوازا قەرەبوویا ٦٠ هەزار یۆرۆ ل کەمال کلیچدار ئۆغڵو کریە .
پشتی کو ئارتێشا تورکیا ئۆپراسیۆنەکا چار رۆژی بۆ سەر چیایێ گارەی ل هەرێما کوردستانێ دەستپێکری، پشتی راگرتنا پرۆسەیێ بەحسا وێ یەکێ کر، کو ١٣ کەسێن سڤیل د شکەفتەکێ دا دیتنە و پارتا کرێکارێن کوردستانێ (پەکەکە)ێ ب کوشتنا وان تۆهمەتبارکرن.
پاشی، هێزێن پاراستنا گەل (هەپەگە) کو بالێ سەربازیی پەکەکە دکەت د راگەهاندنەکی دا ئاماژە ب وێیەکێ کر، ئەو ١٣ ئێخسیر د بۆردومانا ئارتیشا تورکیا دا هاتنە کوشتن
هـ.إ