فۆتۆ:
2021-02-15
598 جار خوێندراوەتەوە
سەرۆکوەزیرێن بەریتانیا ڕاگەهاند، تا نها زێدەتر ژ ١٥ ملیون وەلاتیان ڤاکسینا دژی ڤایرۆسێ کۆرۆنایێ وەرگرتییە.
بۆریس جۆنسن سەرۆکوەزیرێ بەریتانیا ل تویتەرا خۆ بەلاڤکریە، ''ئەڤڕۆ گەهشتینە خالەکا گرنگ ژ بەرنامێ بهێزکرنا نشتیمانی ژ بەریتانیا و زێدەتر ژ ١٥ ملیۆن کەسا ئێکەم ژەمەڤاکسینا دژی کۆرۆنایێ وەرگرتی یە''.
بەحس ل وێ یەکێ ژی کر، ئامانجا وەلاتێ وی ئەو بوو تا مەها سباتا زور ژ وان وەلاتیێن وەلاتێ وان کو پێتڤی ب ڤاکسینێیە وەربگرن، د نها دا مە ئارمانجا خۆ بدەستڤەئینا.
د وی بیاڤیدا ژی، لژنا خزمەتگوزاریا ساخلەمیا نشتیمانی بەریتانیا بەحس ل وی یەکێ کر، د نهادا بەریتانیا ئامادەکاریا دکەن بۆ قوناغا دوویێ یا دانا ڤاکسینێ، ژ ئەڤرو دووشەمبی دێ ئەو ڤاکسین هێتەدان ب وان کەسێن ژیێ وان دناڤبەرا ٦٥ بو ٦٩ سالیێ دا یە و پێتڤی ب ڤاکسینێ هەیە هەڤدەم، دومێنیک راب وەزیرێ دەرڤە یێ بەریتانیا ڕاگەهاند، نها ئەو وەلات سەنگێ دئێخیتە سەر وێ تا کو مەها پێنج سەرجەم ئەو وەلاتیێن ژیێ وان ژ ٥٠ سالان زێدەترە ڤاکسینێ وەربگرن، هەروەسا تا کو مەها ئەیلولێ سەرجەم وەلاتیێن پێگەهشتی ڤاکسینێ وەربگرن.
هـ.ر