فۆتۆ:
2021-02-14
644 جار خوێندراوەتەوە
پشتی چار رۆژان لسەر یەک، وەزبرێ بەرەڤانیا تورکیا دوماهیهاتنا "ئۆپەراسیۆنا چەنگێ ئەلهوی ٢" ڕاگەهاند.
ئەڤرۆ یەکشەمبێ، خولوسی ئاکار، وەزیرێ بەڕەڤانیا تورکیا ڕاگەهاند، د ئەنجامێ ئۆپەراسیۆنێدا ٤٨ گەریلا ژیان ژ دەستدایە و سێ سەربازێن وان هاتینە کوشتن و سێیێن دیژی برینداربووینە. گوتژی، دوو گەریلایێن دی ب دیل گرتینە.
ڕاگەهاندژی، ل دەمێ پشکنینێ ل یەک ژ شکەفتان تەرمێ ١٣ وەلاتیێن سڤیلێن تورک ب کوشتی دیتینە.
دەربارەی ڤێ یەکێ، دوهی میدیایێن پەکەکێ بەلافکریە، تورکیا توپبارانا هندەک دەڤەرێن چیایێ گارەی کریە و ئەو دەڤەرە جهێ مانا وان دیلا بوو یێن گەریلایان گرتین.
ئاماژە بوێیەکێ ژیکر، کو دیلێن گرتی کەسێن سڤیل نینن، بەلکو سەرباز و ئەفسەرێن میتا تورکیانە و سەدەمێ گرتنا وانژی بۆ هندێ بوویە کو بهێنە گوهرین ب وان گەریلاێن گرتیێن بن دەستهەلاتا ئەنقەرە.
ئەڤە ددەمەکیدایە، هەرچەندە تورکیا د بێژیت کو سێ سەربازێن وان هاتینە کوشتن، لێ میدیایێن پەکەکە بەحس ل هندێ دکەن کو زێدەتر ژ ٣٠ سەربازێن وی وەلاتی کوشتینە. هەڤدەم، هەژمارا وان گەریلایێن ژیان ژ دەستدای کێمترە ژوێ هەژمارا توکیا بەلافدکەت.
هـ.إ