فۆتۆ:
2021-02-12
2962 جار خوێندراوەتەوە
وەزارەتا بەڕەڤانیا تورکیا ڕاگەهاند، د ئۆپەراسیۆنا چەنگێ ئەلهۆیا دوو، ٣٣ چەکدارێن پەکەکە ژیانا خۆ ژ دەستدایە، کو دوو ژ وانا پلەبلندن، دبێژیت، ٤٠ بالەفڕێن شەری و بالەفڕێن بێ بالەفڕڤان بەشداری د ئۆپەراسیۆنێ داکریە.
وەزارەتا بەڕەڤانیا تورکیا د ڕاگەهاندنەکێدا بەحس ل وێیەکێ کریە، د ئۆپەراسیۆنا چەنگێ ئەلهویا دووێدا، کو ل ١٠ شوباتێ دەستپێکریە ٤٠ بالەفرێن شەری و بالەفڕێن بێ بالەفڕڤان بەشداری کریە و کارینە ٥٠ ئارمانجا ژناڤببەن.
ئاماژە بوێیەکێ ژیکر، "د ئۆپەراسیۆنێدا مە ٣٣ چەکدارێن پەکەکە کوشتینە و د ناڤواندا دوو فەرماندەژی کوشتینە".
بەریا نها میدیایێن نێزیک ژ پەکەکێ بەلافکربوو، د رووی بروویبۆنا چیایێ گارەدا ب کێمێ نەهـ سەربازێن تورکیا کوشتینە و هەژمارا برینداراژی زێدەترە ژوێ ژمارا وەزارەنا بەرەڤانیا وی وەلاتی بەلافدکەت.
وەزارەتا بەڕەڤانیا تورکیا ڕاگەهاندبووژی، د ئۆپەراسیۆنا چیایێ گارەی سێ سەرباز هاتینە کوشتن و چارێن دی بریندارن.
ئەڤە ددەمەکیدایە، ل رۆژا ١٠ێ ڤێ مەهێ، وەزارەتا بەڕەڤانیا تورکیا، یەکەم رۆژا دەستپێکرنا ئۆپەراسۆنا چەنگی ئەلهۆی ٢ ل چیایێ گارە ل هەرێما کوردستانێ ڕاگەهاندیە، کو تێدا بالەفڕێن شەری و هەلیکوپتەر و هێزەکا سەربازی، کو دوو هزار و ٢٠٠ سەرباز تێدا بەشدارن.
هـ.إ