فۆتۆ:
2021-02-12
4751 جار خوێندراوەتەوە
هێزا پاراستنا گەل (هەپەگە) ئامارێن سێ رۆژێن دەربازبوویێن شەرێ گارەی یێ دناڤبەرا ئارتێشا تورکیا و هێزێن وان بەلافکرن و ڕاگەهاند، تا نها ٣٠ سەربازێن تورکیا کوشتینە و ب دەهان ژی بریندارکرینە.
ناڤەندا ڕاگەهاندنا هەپەگە د ڕاگەهاندنەکێدا بەلافکر، ئارتێشا تورکیا دڤێت ب رێکا هەلیکوپەترا هێزا سەربازی ل چیایێ گارەی ب ئینتەخار، لێ رووی برووی هێزێن گەریلا بوون و شەرەکێ گران روویدا.
د ڕاگەهاندنێدا ئاماژە بوێیەکێ ژی کریە، یەکەم پێکدادان د ناڤبەرا ئارتێشا تورکیا و گەریلایاندا روویدای رۆژا ١٠ێ ڤێ مەهێ بوو رووی برووی هێزا گەریلا بوون، و پاشی ب بالەفڕێن جەنگیێن هەلیکوپتر ئەو دەڤەرە توپباران کریە.
هەپەگە ئاماژە بوێیەکێ ژیکریە، هەیا نها چەند جارەکا ئارتێشا تورکیا ڤیایە هێزێن تایبەت ب هەلیکوپتەرێ ل وێ دەڤەرێ بئینتەخار.
د بەشەکێ دی یێ ڕاگەهاندنێدا هاتیە، "ئەو ڕاگەهاندنێن وەزارەتا بەرەڤانیا تورکیا بەلافدکەت، ب تەمامی درەون و دویرن ژ راستیێ، ب شێواندیا راستیا هەولا لسەر ڕێبرنا رایا گشتی ددەن، هەیا نها زێدەتر ٣٠ سەربازێن تورکیا ل گارەی کوشتینە و هەژمارا شەهیدێن گەریلایانژی هند نینن کو ئەو د دەنە دیارکرن و ل رۆژێن بهێتدا دێ ئاماران بەلافکەین".
ل داویا ڕاگەهاندنێدا هەپەگە ئاماژە ب وێیەکێ کریە، میدیایێن شەری یێن تایبەتێن تورکیا و میدیایێن نێزیک، هەول ددەن دوویر ژ راستیێ، رایا گشتی د سەردا ببەن و راستیا ڤەشێرن، ڕێکێن دی گرتنە بەر و وێنێ کەسەکی ب ناڤێ ئیبراهین پارم د میدیایێن خۆدا بەلافکر کو بانگەشا وێیەکێ دکر کو ئەندامێ پەکەکە یە و بەرپرسێ لوجستیک بوو، د راستیێدا ئەو کەسە بۆ دەمەکێ درێژە د ناڤ رێزێن مەدا هاتیە دوویرئێخستن و خۆ رادەستی دەولەتا تورکیا کریە و ئەڤ نە راستیەژی، ب نەچاری بۆ لسەڕێ برنا ڕایا گشتیە.
هەڤدەم، هەپەکێ د ڕاگەهاندنا خۆ دا چ ب ئاماژا قوربانیێن گەریلایان دا دڤی شەڕێ دا نەکریە.
هـ.إ