فۆتۆ:
2021-02-07
643 جار خوێندراوەتەوە
تیمەکا ڤەکولینێ ل کولیژا ئەندازیاری ل زانکویا باشورێ کالیفۆرنیا گرنگی ب نمونەیەکا ئەلیکترۆنیا نوی دایە کو دکاریت بەرهنگاری گوهڕینێت زنجیرێن نوی یێن کۆرۆنایێ ببیت.
نمونا نوی زیرەکیەکا دەستکرد یا هەی کو دکاریت کاریگەریا ڤاکسینێ شروڤەبکەت. بڤێ ژی ل داهاتی دا کۆمەکا گرنگیپێدانا ڤاکسینان دکەت.
دیراساتەکا نوی ئاماژە ب وێ یەکێ دایە، نمونا نوی دکاریت ب ساناهی خۆ دگەل گۆهڕینا ڤایرۆسا کۆرۆنا بگونجینیت. ئەڤە ژی گرنتیا نیاسینا باشترین ڤاکسینێ دکەت کو دکاریت بلەزترین رێک بەردەستبیت.
هەڤدەم، ڤەکولەر دوێ باوەریێ دانە کو ئەف ڤەکولینە دێ تایبەتمەندیەکا نوی ب زانایان بەخشیت د بەرهنگاربوونا پەتا یێن پیشکەفتی یین دی.
ڤەکولینێ ئاماژە ب وێ یەکێ ژی دا، فێرکرنا ئەلیکترۆنی نمونەکە دکاریت د پرۆسەیەکا چەند چرکەییدا ڤاکسینێ بەرهەمبینیت کو بۆ بەرهەمئینانا چەند مەهان یان چەند سال پیتڤینە.
بول بوگدان مامۆستایێ بەشدار ل ئەندازیاریا کارەبایی و ئەندازیاریا کومپیوتەری ل زانکۆیا باشورێ کالیفورنیا ڕاگەهاند، چارچوڤێ کارکرن ل زیرەکیا دەستکردا ڤی ئاوای دا ، کو لسەر هویربینیێن ڤی ڤایرۆسی جێبەجێکریە، دکاریت ل چەند چرکاندا ڤاکسینا هەلبژارتی بەرهەمبینیت و بلەز ڤەگوهێزیت بۆ قۆناغا ئەزمونکرنا کلینیکێ بۆ دیفچوون ل چارەسەرکرنێن پزیشکیێن خۆ پاراستنێ بێی وێ مەنرسی بۆ سەر سلامەتیا کەسان هەبیت. ڕاگەهاند ژی، ''دشێین ڤێ تەکنولوجیایێ بگونجینین تا هاریکاریێ بکەت لسەر ڤەدیتنا ڤایرۆسێ کۆرۆنایێ کو لسەرانسەری جیهانێ دا خۆ گوهڕیە.''
ڤەکولینێ ئەو ژی بەرچاڤکریە، نمونا ئەلکترونی ل دەما تاقیکرنێ دا دکاریت ب لەزاتیەکا زور سەرەدەریێ دگەل ڤایرۆسێ کۆرۆنایێ دا بکەت. هەڤدەم، باشترین لیستەک بدانیت بۆ دەستنیشانکرنا باشترین پێکهاتە بۆ بکارئینانا د بەرهنگاربوونا ڤایرۆسی دا.
زانیان پێشبینی ئەوەدەکەن ئەم نمونەیە بەشێوەیەکی بەرچاو سودبەخشبێت لە قۆناغی ئێستای پەتاکەدا، کە ڤایرۆسەکە لە جیهاندا دەستی بە خۆگۆڕین کردووە.
نمونێ کو ب زیرەکیا دەستکرد پالپشتی کریە، ٢٦ ڤاکسین هەلبژارتینە کو دبیت کاریگەربن ل دژی ڤایرۆسێ کۆرۆنایێ، دناڤ وان دا ژی زانایان ١١ ڤاکسین هەلبژارتینە و پەسەندکرینە کو ژ ئەگەرێ وێ چەندێ دبیت ڤاکسین بهێتە بەرهەمئینان بۆ چەندین قوناغا بهێتە بکارئینان کو دکارن هێرشێ بکەنە سەر پروتینێت ڤایرۆسی کو لسەر ریێ دەرڤە یی ڤایرۆسی و بشێوێ چقل دەردکەڤن و بۆ بەرەڤانیکرن ژ وان هێرشێن دکەنە سەر لەشی بکار دئینن.
هـ.ر