فۆتۆ:
2021-02-05
552 جار خوێندراوەتەوە
ژمارەک ژ شارەزایێن سەر ب نەتەوێن هەڤگرتی ڕاگەهاندن، ل دەما مەهەکێ دا ئێرانێ ٢١ کەس ب دارڤەکرینە و دبێژن ژی، ١٢٤ زیندانیێن دی ژی چاڤەڕێیا جێبەجێکرنا بڕیارا بدارڤەکرنا خۆ دکەن.
ژمارەک ژ شارەزایێن سەر ب نەتەوێن هەڤگرتی د ڕاگەهاندنەکێ دا بەحس ل وێ یەکێ کرن، دەما نوچەیا ل بدارڤەکرنا ''چافید دەهقان ل رۆژا ٣٠ێ مەها دەربازبووی یا ئەڤسالە دا بەلاڤبوویە ڤە ئەو توشی سەرسورمانێ بوون، ئەڤە ژی پشتی وێیەکێ ک بەریا نها وان هوشداری دەربارەی جێبەجێنەکرنا وێ بریارێ بەلاڤکربوو.''
وان شارەزایان ئاماژە ب وێیەکێ ژی کریە، رێژا ب دارڤەکرنێ کۆمەکا کێمینەیا بەلوچیێن ئێرانێ ڤەگرتینە و رێژا بدارڤەکرنێ دناڤ وێ چینا جڤاکا ئێرانێ دا دئاستەکێ مەترسیدار دایە.
لدیڤ ئامارا فەرمیێن بدارڤەکرنێ ل سالا ٢٠١٩ێ ، چینێ پلا ئێکێ یا ڤەگرتی دناڤ وان وەلاتان دا یە کو زورترین رێژا بدارڤەکرنێ تێدایە؛ ب جۆرەکێ بتنێ د وێ سالێ دا زێدەتر ژ هزار کەسان هاتینە بدارڤەکرن و ئێرانێ ژی پلا دوویێ یا رێزبەندیێ ڤەگرتیە ب وێ کو زێدەتر ژ ٢٥١ کەس ل وی وەلاتی هاتینە بدارڤەکرن و سعودیە ژی ب بدارڤەکرنا ١٨٤ کەسان پلا سێیێ ڤەگرتیە.
هـ.ر