فۆتۆ:
2021-01-31
472 جار خوێندراوەتەوە
رۆژنامەیا گاردیانا بریتانی، ڤایرۆسێ نیبا ل چینێ بەلاڤبوویە کو ژ ڤایرۆسێ کۆرۆنایێ مەترسیدارترە و رێژەیا ژیان ژدەستدانێ تێدا دگەهیتە ٧٥% کو ئەگەر هەیە ببیتە پەتایەکا جیهانی.
لدیڤ رۆژنامێ، گایاسری ئاێر ڕێڤەبەرێ جێبەجێکارێ دامەزراوا پزیشکی یا ئەوروپی ڕاگەهاند، ''ڤایرۆسێ نیبا نەخوشیەکا ڤەگوهاستی یا دیە کو سەرهلدایە و جهێ دلگرانیێ یە، دبیت ل هەر دەمەکێ دا بەلاڤببیت و ببیتە پەتایەکا جیهانی.''
لدیڤ وێ راپۆرتا رۆژناما گاردیان بەلاڤکری، رێژا مرنێ ژ توشبویێن ڤی ڤایروسی بلندە و ب ڕێژا ٤٠_٧٥% توشبو ژیانا خۆ ژدەستددەن. بڤێ ژی دبیتە ئێک ژ وان نەخوشیێن ڤەگوهاستیێن جهێ مەترسیێنە بۆ سەر مرۆڤایەتیێ.
توشبویێن ڤێ پەتایێ هەست ب تایا بلند و کوخکا گران و ئێشانا سەری و ئازارا زک و دلتێکەلهاتن و ڤەرەشیان و داعیران و نە زەلالی دبینینێ دا، زێدەباری ئەو کەسێن توشی بهێنتەنگیەکا بزەحمەت دبن و پەستانا خوینا وان بلندبیت و لێدانێن دلێ وان زێدە دکەن. هەر لدیڤ راپۆرتێ، ٦٠% توشبوو دچنە قۆناغا بێهوشیێ و ڤایرۆس ژی بڕێکا گلیزی دهێتە ڤەگوهاستن.
بەریا نها و ل سالا ١٩٩٩ێ ل دەما بەلاڤبوونا نەخۆشیەکێ ل مالیزیا کو توشبویان ئاریشا هەناسەدانێ بۆ دروستدبوو، ژ سەرجەمێ ٢٦٥ توشبوویا ١١٥ توشبوویان ژیانا خۆ ژدەستدا. لدیڤ راپۆرتێ، دبیت ئەڤ پەتایە ل ئوسترالیا و بەنگلادش و هیندستان و چین و تایلاند و ئەفریقیا بەلاڤببیت.
هەڤدەم، شی زنجلی مەزنە زانایێ ڤایرۆسناس ل وەلاتێ چینێ و ڕێڤەبەرێ تاقیگەها ڤایروسان ل وهانێ ڕاگەهاند، گیانەوەر هەلگرێ چەندین ڤایروسێن هەڤشێوەیێن کۆرۆنایێ نە و کوژەک تر و مەترسیا وێ زێدەترە لسەر مرۆڤایەتیێ.
بەحس ل وێ چەندێ ژی کربوو، کو شەمشەمە کوێرە هەلگرێ جۆرە ڤایروسەکێنە کو ژ کۆرۆناێێ کوژەکترە و شیانێن ڤەگوهاستنێ بۆ مروڤی هەنە. هەر ژبەر هندێ نابیت بتنێ ل چینێ لدیڤ بگەرن، بەلکی پێتڤی یە ل باشورێ ئاسیا ژی لدیڤ بگەرن.
ڤایروسێ نیبا بڕێکا شەمشەمەکوێرە بۆ گیانەوەرێن دی دهێتە ڤەگوهاستن و ژ وان ژی بۆ مرۆڤ و لناڤ مروڤان دا ژی بڕێکا گلیزی دهێتە ڤەگوهاستن و دنها دا ژی چ ڤاکسینەکا تایبەت ب وی ڤایرۆسی بەردەست نینە.
هـ.ر