فۆتۆ:
2021-01-30
595 جار خوێندراوەتەوە
دادگەها مافێ مروڤی ل یەکێتیا ئەوروپا ڕاگەهاند، تورکیا دناڤ وەلاتێن ئەوروپا زێدەترین بنپێکاری یێن مافێ مروڤی کرینە.
لدیڤ وان داتایێن دادگەها مافێ مرۆڤی یا سەر ب یەکەتیا ئەوروپا، ل سالا ٢٠٢٠ێ دا ل ٩٧ کەیسێن دادگەهکرنا ٨٥ یان ب کێمی ئێک حالەتێ بنپێکاریێ یێ مافێ مرۆڤی تێدا هاتیە تۆمارکرن.
دادگەهێ بەحس ل وێ چەندێ ژی کریە، زورترین بنپێکاری ژی بریتی بوون ژ، ئازادیا رادەربرینێ کو ٣١ حالەت بوون، دادگەهێ ب نە دادپەروەری ٢١ حالەت و مافێ ئازادی و سلامەتی ژی ١٦ حالەت بوون.
ل دیروکا تورکیا ژی، دادگەها ئەوروپا زورترین تانە ل دادگەهێن تورکیا گرتینە، ب جۆرەکێ ل ٦٠ سالێن دەربازبووی دا زێدەتر ژ ٩٥٣ حالەتێن 'دادگەهەکا نە دادپەروەر' و ٧٨٧ حالەتا بنپێکاریا مافێ ئازادی و سلامەتیێ هەبوو.
ئەو ژی ددەمەکی دا یە، تورکیا ژمارەیەکا زۆر ژ رکابەرێن سیاسی 'ب یاسایا تیرورێ' زیندانکرینە و ژ وان ژی بەرپرسێن پارتێن کوردی و بەرپرسێن کارگێری یێن کوردن، زێدەباری چەندین داخازیێن دادگەها بلندا ئەوروپا ژی بۆ ئازادکرنا وان لێ تا نها ئەنقەرە پێگیر نە بوویە ب وان داخازیان.
هـ.ر