فۆتۆ:
2021-01-28
1738 جار خوێندراوەتەوە
ئەلیکسەندەر میاسیکۆڤ نوژدارەکێ ب ناڤودەنگێ ڕوسی یە د بەرنامەیەکێ تلەفزیونی دا هایداریێ لسەر خارنا دەرمانێ نەهێلانا ئێشانێ (مسەکەن) ددەت، کو ب ڕەنگەکێ بەربالاڤ خەلک بکار دئینن و د پتریا وەلاتاندا هەیە.
وی نوژداری ئاماژە ب وێیەکێ ژی کریە، وی جورێ دەرمانی مەترسیا لاوازبوونا ماسولکەیێن دلی و جەلتەیا مەژی و خوینبەربوونێ و هەیا ل هندەک وەختا دا مرنێ ژی هەیە.
میاسنیکۆڤ ڕاگەهاندیە، دەرمانێن نەهێلانا ئێشانێ (مسەکەن) بەربەلاڤبوونە کو د بنەرەتدا ژ جورێ ستێرۆیدی دژی حەلکرنێ یە و هەڤکاریا کێمبوونا ئێشانا لەشی ددەن، لێ ڤی گروپێ دەرمانان باندورا نەرێنی لسەر جەستەی دهێلیت.
بەحسا وێیەکێ ژی کریە، ژ دیارترین باندورا نەرێنیا وی جورێ دەرمانی خوینبەربوونا مەعیدێ و زێدەبوونا مەترسیێن لاوازبوونا ماسولکەیێن دلی و و جەلتەیا مێشکی و نەخوشیێن جیاوازێن دلی و سوربوونا خوینێ ل دیف خۆ دهێلیت.
زەلال ژی کریە، دەرمانێ نەهێلانا ئێشانێ ب ڕەنگەکێ گشتی خوارنا وان بۆ وان کەسان قەدەغەیە کو ژیێ وان د سەر پێنجی سالیێ دایە و د دەستێ نەخوشیێن دلی دا دنالن.
میاسنیکۆڤ شیرەتان ل خەلکی دکەت بتنێ د دەمێ گەلەک پێتڤی دا نەبیت دەرمانێ نەهێلانا ئێشانێ بکارنەئینن، د هەمان دەمی دا هایداری خوارنا وان بن و ل دەما خوارنا دەرمانێن دی دا، چونکە ئەگەر هەنە د دەمنا خارنێ دا رێژەیەکا کێما بێ هۆشکەر تێدا بیت و د گەلەک حالەتاندا مەترسی هەبن.
و.ح