فۆتۆ:
2021-01-28
986 جار خوێندراوەتەوە
ئاژانسا رۆیتەرز بەلاڤکریە، حکومەتا ئەمریکا وەلاتیەکێ کوردێ ب ڕەگەز بەریتانی کو ل ئەمریکا دژیت، لسەر وەرگرتنا ملیۆنان دۆلارێن ئەمریکی ژ گرێبەستا سوپایێ وی وەلاتی تومەتبارکریە.
ئاژانسا رۆیتەرز بەلاڤکریە، وەزارەتا داد یا حکومەتا ئەمریکا هەشت تومەت ئاراستەی بازرگانەکی کوردێ خۆدان ناسناما بەریتانی کریە، زەلال ژی کریە، ئەو وەلاتیە ناڤێ وی شڤان مەلایە، ل سالا ٢٠٠٧ێ بۆ ٢٠٠٩ێ بەرتیل ب بهایێ ملیۆنان دۆلار لهەمبەر گرێبەستان وەرگرتنە.
شوان مەلا بەریا نها خۆدانێ ئۆفیسا ڕایەداری و ئاڤەدانکرنا عێراقێ و ل بەغدا بوویە و هەشت تومەت ئاراستەکرن.
ل گۆرەی ڕاپۆرتەکا رۆیتەرز، حەفت تومەت فێلبازی نە و تومەتەکا دی ژی وەرگرتنا بەرتیلانە.
هەڤدەم، وەزارەەتا داد یا ئەمریکی ئەشکراژی کریە، سزایێ هەر تومەتەکێ ٢٠ سالێن زیندانکرنێ نە.
میدیایان بەلاڤ کریە، وی مەلای هەیا نها ژی کومپانیەکا وەبەرهێنانێ هەیە و کومەکا پرۆژەیان ل پارێزگەها هەولێرێ برێفە دبەت.
و.ح