فۆتۆ:
2021-01-28
1324 جار خوێندراوەتەوە
ڤلادمێر پوتین سەرۆکێ روسیا ڕاگەهاند، ئەگەر چ د نهادا دامەزراوێن نیڤدولەتیێن جیهانێ لاوازبون و ناکوکیێن هەرێمی و دەڤەری بەرەف پێشچوینە، لێ رەوشا نها و قەیران و ئالوزیێن وەلاتان؛ رێک ب سەرهلدانا شەرێ سێیێ یێ جیهانی نادەن.
د چارچوڤێ بەشداریکرنێدا ل دیدارا ئابوریا داڤوس، ڤلادمێر پوتینی سەرۆکێ روسیا بەحس ل وێیەکێ کر، رەوشا نها یا جیهانێ و قەیران و ئالوزیێن وەلاتان؛ رێک ب سەرهلدانا شەرێ سێیێ یێ جیهانی نادەن.
دبێژیتژی، "سەرهلدانا شەرێ سێیێ یێ جیهانی دێ داوی ب شارستانیەتا مروڤایەتیێ ئینت"
پوتین ئاماژە ب وێیەکێ ژیکر، دسەدەیا دەربازبوویدا کێم شیانێن چارەسەرکرنا کێشە و ئالوزیێن وی سەردەمی، بوونە سەدەمێ دروستبوونا شەرێ دووێ یێ جیهانی، لێ "د وێ باوەرێ دامە دڤی سەردەمیدا ئەڤ قەیرانێن هەیی و ئەڤەژی وەدکەت من هیڤیەکا مەزن ب باشتربوونا رەوشا جیهانێ هەبیت".
جودا ژ هەمی شەرێن دی، مروڤایەتیێ هەیا نها دوو شەر دیتینە، کو شەرێ یەکێ یێ جیهانی لسالا ١٩١٤هەیا ١٩١٨ێ بەردەوامبۆ، شەرێ دووێ یێ جیهانیژی ل سالا ١٩٣٩ێ هەیا ١٩٤٥ێ بەردەوامبۆ.
ل گورەی خەملاندنا، ل شەرێ یەکێ یێ جیهانی، نێزیکی ١٠ ملیۆن لەشکەر و حەفت ملیۆن کەسێن مەدەنی هاتنە کوشتن ٢١ ملیۆن کەس ژی برینداربون، هەروەسا حەفت ملیۆن و ٧٠٠ هزار کەس ژی بەرزەبون.
ل شەرێ دووێ یێ جیهانی ژی، زێدەتر ژ ٦٠ ملیۆن کەسان هاتنە کوشتن، هندەک ژ خەملاندنا ژی بەحس ل ٥٠ هەیا ٨٠ ملیۆن کوشتیان د کەن، کو تێدا ٣٨ هەتا ٥٥ ملیۆن کەسێن مەدەنی هاتنە کوشتن، و ژ واناژی ١٣ هەیا ١٠ ملیۆنا ب سەدەما نەخوشیێن ڤەگرێن سەردەمیانە بسەدەما شەری ژیان ژ دەست دایە.
هـ.إ