فۆتۆ:
2021-01-28
853 جار خوێندراوەتەوە
ب سەدەما کێمبوونا مەترسیا ڤایرۆسێ کۆرۆنایێ و دیتنا ڤاکسینێ بۆ ڤایرۆسی، بهایێ پەتڕۆلێ د دەمێ چەند حەفتیێن دەربازبووی دا بلندبوویە، ب ڕەنگەکێ کو گەهشتیە هەمان ئاستێ مەها ئازارا سالا دەربازبووی ب هەڤبەرکرن ب حەفت مەهێن دەربازبووی.
بۆ ئەڤرۆ پێنجشەمبێ، بهایێ پەتڕۆلێ هەڤبەر دگەل دوهی چارشەمبێ، داکەفتن ب خۆڤە دیتیە، کو د ئەڤرۆ دا بهایێ بەرمیلەكا پەتڕۆلا خاڤا برێنت د بازارێن جیهانێ دا، ئەڤرۆ ب ٥٥ دۆلار و ٤٥ سەنتایە و بهایێ بەرمیلەكا پەتڕۆلا خاڤا ئەمریکی ژی ب ٥٢ دۆلار و ٥٥ سەنتا دهێتە فرۆتن.
لگۆڕەی نووچەیێن ئاژانسێن ئابوریان، د دەما دەربازبووی دا پەتڕۆلا خاڤا برێنت ب رێژەیا ١٠%ێ پەتڕۆلا خاڤا ئەمریكی ژی ب رێژەیا ١٣%ێ بلندبوویە.
بلندبوونا بهایێ پەتڕۆلێ پشتی وێیەكێ دهێت، ٢٠ێ نیسانا سالا دەربازبوویی پەتڕۆلا خاڤا ئەمریكا بۆ یەكەمجار د دیرۆكێ دا ٣٧ دۆلاران ل خوار سفرێ داكەت..
هەڤدەم، د مەها ئازارا ٢٠٢٠ێ ژی دا، بهایێ پەتڕۆلێ د بازارێن جیهانێ دا نزمترین ئاست ل پشتی سالا ٢٠٠٣ تۆماركر، ب ئاوایەكێ بهایێ یەك بەرمیل پەتڕۆلا خاڤا برێنت ل خوارێ ٢٥ دۆلاران مامەلە پێ دهاتەكرن.
هـ.إ