فۆتۆ:
2021-01-27
640 جار خوێندراوەتەوە
رۆژنامەیا وال ستریت جۆرنال ژ زارێ ژێدەرەکێ کوچکا سپی بەلاڤکریە، وەزیرێ نویێ بەرەڤانیا ئەمریکا ئنیەتا پێداچوونێ هەیە ب بڕیارا ڤەکێشانا هێزێن وەلاتێ خۆ ل عێراقێ و ئەفغانستانێ و دڤێت ستراتیژیەکا نوی دابڕێژیت.
رۆژنامەیا وال ستریت جۆرنال یا ئەمریکی ژ زارێ ژێدەرەکێ کۆچکا سپی بەلاڤکریە، کو لوید ئۆستن وەزیرێ نوی یێ بەڕەڤانیا ئەمریکا، پێداچوونێ ب بریارا ڤەکێشانا هێزێن واشنتن ل عێراق و ئەفغانستانێ دکەت.
ئەو یەک ژی بەرچاڤکریە، مەها دەربازبووی ب بریارا دونالد ترەمپ سەرۆکێ بەرێ یێ ئەمریکا زێدەتر ژ سێ هزار سەربازێن وەلاتێ خۆ ژ وان دوو وەلاتان ڤەکێشان، لێ دنهادا وەزیرێ بەڕەڤانیێ هزر ل داڕشتنا ستراتیژیا نوی یا سیاسەتا ئەمریکا دکەت ل وان دوو وەلاتان.
ئەڤە ژی د دەمەکێ دا یە، دانوستاندنا دناڤبەرا بەغدا و واشنتن د چارچوڤێ رێککەفتنا ستراتیژی سالا ٢٠٠٨ێ دناڤبەرا واندایە. ل دانوستاندنێن سالا دەربازبووی دا، بابەتێ بەرهنگاربوونا تیرورێ، ئابوری، وزە و سیاسەت شڕوڤەکرن و هەردوو شاندا ژی، تەکەز لسەر رێزگرتن ل سەروەری و ئێکپارچە یا ئاخا عێراقێ کر.
هەر ل دانوستاندنێن عێراق و ئەمریکا دا بەحس ل کێمکرنا هێزێن ئەمریکا لسەر ئاخا عێراقێ ب چەند قوناغا کر بوو.
بڕیارا ڤەکێشانا بەشەکێ دیێ هێزێن ئەمریکا ل مەها کانونا سالا دەربازبووی دا، کەفتە د بیاڤێ جێبەجێکرنێ دا و زێدەتر ژ سێ هزار سەربازێن وان ل عێراق و ئەفغانستانێ خۆ ڤەکێشان.
هـ . ڕ