فۆتۆ:
2021-01-26
668 جار خوێندراوەتەوە
ئەندامەکێ لژنەیا ساخلەمی و ژینگەها پەرلەمانێ عێراقێ ڕاگەهاند، دوو ملیۆن و ٦٠٠ هزار قورچێن ڤاکسینێ فایزەر ل ناڤەراستا مەها سباتێ دێ گەهنە عێراقێ.
حەسەن خەلاتی ئەندامێ لژنەیا ساخلەمی و و ژینگەهێ ل پەرلەمانێ عێراقێ ڕاگەهاند، سەرجەمێ گشتیێ ڤاکسینێ هەشت ملیۆن قورچن و بڕیارە هەیا مەها نیسانا بهێت هەمی بهێنە شاندن.
دەربارەی ڤاکسینێ ئوکسفوردێ بەریتانی، وی پەرلەمانتارێ عێراقێ بەحس ل وێیەکێ کر، "هەیا نها ژمارا وانا دیارنەکریە، لێ د بیت ژ روویێ هەلگرتن و ڤەگوهاستنێ ڤە ڤاکسینێ کومپانیا فایزەرا ئەمریکی باشتربیت".
حەسەن خەلاتی دبێژیت ژی، "بەریا نها وەزارەتا ساخلەمیا عێراقێ ل سەر کڕینا سێ جۆرێن ڤاکسینی لهەڤهاتن ئیمزاکر، لێ هەمی ل یەک دەمدا ناگەهنە وەلاتی".
لسەر گیرۆبوونا گەهشتنا ڤاکسینێ ژی ئەو یەکە ئەشکەراکر، "ئەو بابەتە گرێدایە ب کارێ لۆجیستی و تەکنیکی، ژبەر کو ڤاکسینێ فایزەر پێدڤی ب دابینکرنا پلەیەکا گەرمێ یا گونجاییە د دەما ڤەگوهاستن و هەلگرتنێ دا".