فۆتۆ:
2021-01-25
586 جار خوێندراوەتەوە
رێکخراوا ساخلەمیا جیهانی ڕاگەهاند، لهەڤهاتنەک دگەل کومپانیا فیزەر-بایۆنتیک بۆ دابینکرنا ٤٠ ملیۆن ڤاکسینێن دژی کۆرۆنایێ بو وەلاتێن هەژار د چارچوڤێ بەرنامێ کۆڤاکس دا ئیمزاکریە.
ئەلبێرت بۆرلا سەرۆکێ کۆمپانیا فایزەر د کۆنگرەیەکێ روژنامەڤانیدا دا دگەل رێکخراوا ساخلەمیا جیهانی ڕاگەهاند، ئەو فاکسینا کومپانیا وان بەرهەمئانی یە، ب بهایێ تێچوویا وێ دێ هێتە فرۆتن ب رێکخراوا ساخلەمیا جیهانی و د چارێکا یەکێ یا ئەڤ سالەدا فاکسین دێ گەهیتە دەستێ رێکخراوێ.
هەڤدەم، کومپانیا فایزەر ل تویتەری بەحسا وێیەکێ کریە، ئەڤە پێنگاڤەکا گرنگە بۆ رووبرووبونا ڤایرۆسێ کۆرۆنایێ، ئەڤ شەرە ب داوی ناهێت هەیا کو جیهانەکا پاراستی نەبیت.
رێکخراوا جیهانی ئاماژە ب وێیەکێ ژی کر، دێ بزاڤان کەتن ب ڕەنگەکێ دادپەروەرانە فاکسینێ پارڤەبکەتن، هەڤدەم، بژاردەیەکا دی ژی لبەر دەستدایە کو دگەل کارگەهەکا دەرمانسازیا هندستانێ لهەڤهاتنەکا دی ئیمزابکەت بۆ دابینکرنا ١٠٠ ملیۆن ڤاکسین.
سالا دەربازبووی رێکخراوا ساخلەمیا جیهانی بەرنامەیا کۆڤاکسی ڕاگەهاند، بۆ پەیداکرنا فاکسینا دژی کۆرۆنایێ بۆ وەلاتێن هەژار لپێناڤ پارڤەکرنا دادپەروەرانەیا فاکسنێ.
و.ح