فۆتۆ:
2021-01-24
982 جار خوێندراوەتەوە
زانکویا ئەزهەر هەڤژینییا تاقیکرنێ حەرامکر کو د دەما چەند حەفتیان دا بوویە جهێ بەحسکرنا بەشەکا بەرفرهـ یا وەلاتێن ئیسلامی.
د ڕاگەهاندنەکێ دا کو ژ ئالیێ ناڤەندا فەتوایا ئەزهەر بلاڤکریە و ئاماژە ب وییەکی کریە، "نابیت هەڤژینی بۆ دەمەک سنوردارکری بهێتە کرن، ژبەر وێیەکێ ئەو پێشنیازا هەڤژینیا بۆ تاقیکرنێ دهێتە ب ناڤکرن، حەرامە".
د ڕاگەهاندنێ دا هاتیە، "هەڤژینی گریبەستەکا گرانە و یاری و دەم بسەر برن نینە. مەرجێ جودانەبوونا دوو هەڤژینا بۆ پێنج سال یان کێمترە کو د هەڤژینییا تاقیککرنێدا هەیە، پوچە و نەیا قەبیلکریە".
ئەزهەر تەکەزێ ل وێیەکێ ژی دکەت، "مەرجدان بۆ هەلوەشاندنا گرێبەستا هەڤژینیێ دگەل بداویهاتنا دەما دیارکریدا، گرێبەستێ حەرامدکەت".
ئەڤ فەتوایا ئەزهەر پشتی وێیەکێ دهێت کو ئەحمەد مەهران، پارێزەرێ مسرێ، ل جوتمەها سالا دەربازبوویدا، ب رێیا هەژمارا خۆ ل فەیسبۆکی، پێشنیازەک بالاڤکر، کو دبێژیت "ب ئارمانجا کێمکرنا رێژا جودابوونێ د وەلاتی دا، دڤێت هەڤژین ب مەرجێ جودانەبوونێ بۆ چەند سالێن هەڤژینیێ بکەن و د ڤی دەمیدا بۆ چەند جاران بگەهنە ئێک و د یەک مالێ ژیدا پێکڤە بژین".
د ئاینێ ئیسلامژی دا یەک جورێ سەرەکیێ هەڤژینیێ هەیە، لێ دناڤا ئاینێن جودادا و ل دیف رەوشا جڤاکی، رێک هاتیەدان ب چەند جورێن هەڤژینیێ ژ وانا ژی مسیار کو ل وەلاتێن کەنداڤی دهێتە پەیرەوکرن، هەڤژینیا عورفی ل مسرێ و هەڤژینیا سیغەژی ل وەلاتێن ئیران و دناڤا ئاینێن شیعەدا دهێتە پەیرەوکرن.