فۆتۆ:
2021-01-24
631 جار خوێندراوەتەوە
سەرۆککۆمارێ ئیرانێ ڕاگەهاند، د چەند حەفتیێن داهاتیدا، دێ دەست ب هەلمەتا کوتانا دژی ڤایرۆسێ کۆرۆنایێ د وەلاتێ خۆ دا کەین، دبێژیت ژی، "هەیا بەرهەم ئانینا ڤاکسینا ناڤخوی، دێ ڤاکسینا بیانی ب کارئینن"، ئەوژی د دەمەکێدایە، د دەما دەربازبووی دا خامنەی ڕاگەهاندبوو، "ئەو وەلاتە نە جهێ باوەریێ نە و دڤێن ڤاکسینا خۆ ل سەر نەتەوەیێن دی تاقیبکەن".
ئاژانسا نووچەیێن رۆیتەرز بەلاڤکریە، حەسەن رۆحانی سەرۆککۆمارێ ئیرانێ ڕاگەهاند، د چەند حەفتیێن داهاتیدا دێ دەست ب هەلمەتا کوتانا دژی ڤاکسینا کۆرۆنایێ د وەلاتێ خۆ دا کەین، بەحسا وێیەکێ ژی کریە، بۆ وێ مەرەمێ دێ ڤاکسنا بیانی بکارئینن هەیا کو ڤاکسینا نافخۆی دهێتە بەرهەمئانین، د دەمەکێدا، رۆحانی بەحس ل وێ ڤاکسینێ نەکریە کو بریارە بهێتەبەربکارئانین.
ئەڤەژی د دەمەکێدایە، بەریا نها، عەلی خامنەی ڕابەرێ بلندێ ئیرانێ بکارئانینا ڤاکسینا بەریتانی و ئەمریکی دناڤا ئاخا ئیرانێ دا قەدەغەکر و حکومەت هایدارکربوو کو ئەوێ ڤاکسینێ بکارنەئینن، ئاماژە ب وێیەکێ ژی کربوو، "ئەو وەلاتە نەجهێ باوەریێ نە و دڤێن ڤاکسینا خۆ بسەر نەتەوەیێن دی دا تاقی بکەن".
ئیران ل رۆژهەلاتا ناڤەراستدا یەک ژ وان وەلاتان دهێتە دانان کو ڤایرۆسێ کۆرۆنایێ ب ڕەنگەکێ بەرچاڤ تێدا بەلاڤبوویە، ب رەنگەکێ هەیا کو نها نێزیکی یەک میلۆن و ٤٠٠ هزار کەس توشی ڤایرۆسی بوون، ژ وێ ژماری ژی زێدەتر ژ ٥٧ هزار کەسان ژیانا خۆ ژ دەستدایە.