فۆتۆ:
2021-01-23
626 جار خوێندراوەتەوە
رێکخراوا ساخلەمیا جیهانی ڕاگەهاند، رێکەفتنەک دگەل فیزەر-بایونتیک بو دابینکرنا ٤٠ ملیۆن ڤاکینێن دژی کۆرۆنایێ بو وەلاتێن هەژار د چارچوڤێ بەرنامێ کەڤاکس ئیمزاکریە.
ئەلبێرت بۆرلا سەرۆکێ کۆمپانیا فایزەر د کونگرەکێ روژنامەڤانیدا دا دگەل رێکخراوا ساخلەمیا جیهانی دا ڕاگەهاند، ئەو ڤاکسینا کومپانیا وی پەرەپێدای ب رێژا٩٥%ێ کاریگەرە، ب بهایێ تێچویا وی ب رێکخراوا ساخلەمیا جیهانی د هێتە فروتن.
ڕاگەهاندژی ل چارێکا دەستپێکا ئەڤسالە ڤاکسین دێ گەهیتە دەستێ رێکخراوێ.
هەڤدەم، کومپانیا فایزەر ل هەژمارا تویتەرێ تایبەتێ خۆ ئەشکەراکر، "شانازیە بۆمە رادگەهینین کو فایزەر و بایۆنتیک رێکەفتنەک دگەل کوڤاکس ئیمزاکریە دەربارەی دابینکرنا ٤٠ ملیۆن ڤاکسینا".
ئاماژە بوێیەکێ ژیکر، ئەڤە پێنگاڤەکا گرنگە بو رووبرووبونا ڤایروسێ کۆرۆنا، شەرەکە ب داوی ناهێت هەیا کو مە جیهانەکا پاراستی نەبیت.
کوڤاکس بزاڤا دکەت ب رەنگەکێ دادپەروەرانە ڤاکسینی پارڤە بکەت، هەڤدەم، هەلبژارتنەکا دی ژی ل بەردەستێ مە هەیە دگەل کارگەها " سیرەم ئینیستیتیوت ئۆڤ ئیندیا " رێکەفتنەکادی ئیمزابکەین بۆ دابینکرنا ١٠٠ ملیۆن ڤاکسینێن ئیسترازینکایێن ئۆکسفۆرد.
پێشبینیا وێیەکێ د هێتە کرن کو د چارێکا یەکێیا ئەڤ سالە دا پتریا ڤاکسینا ب گەهنە دەستێ رێکخراوا ساخلەمیا جیهانی، لێ پێتڤیە پەسەند بکەت و مولەتا ب کارئانینێ بدەتێ، چونکی هەیا نها ب تنێ ڤاکسینێ فایزەر پەسەندکریە.
ڕێکخراوا ساخلەمیا جیهانی بەڕنامێ کوڤاکس راگەهاند بو دابینکرنا ڤاکسینێ دژە کۆرۆنا بو وەلاتێن هەژار ل پێناڤ دابەشکرنا دادپەروەرانە بۆ ڤاکسینی و هەڤکاریا وەلاتێن هەژار بۆ رووبروو بونا کۆرۆنایێ و رێگرتن ل بەلاڤبونا وێ کو هەیا نها زێدەتر ژ دوو ملیۆن مروڤا ژیانا خۆ ژ دەستدایە.