فۆتۆ:
2021-01-23
602 جار خوێندراوەتەوە
چیرۆکا سەیەکێ بناڤێ "بپنجوک" تۆرین جڤاکی هەژاند کو بۆ دەما چەند رۆژانە ل پێشیا نەخۆشخانەیەکێ ل تورکیا مایە و چاڤەرێ خۆدانێ خۆ کریە.
ل گۆرەی ئاژاناسا نووچەیێن تورکیا، ل حەفتیا دەربازبووی ئەو سەیە دیف ترۆمبێلا هەوارهاتنێ کەتیە کو خۆدانێ وی گەهاندیە نەخوشخانێ ل باژارێ ترابزۆنا باکورێ تورکیا، ل وێرێ مایە و بۆ دەما چەندین رۆژان بەردەرگەهێ نەخوشخانێ بجی نەهێلایە.
یەک ژوان پۆلیسێن بەردەرگەهێ نەخوشخانێ ژی گوتیە ئەو سەیە هەمی رۆژان ژ سپێدێ هەیا درەنگی شەڤێ هاتیە بەر دەرگەهێ نەخوشخانێ و ل وێرێ مایە، ب هێڤیا وێیەکێ کو بشێت خۆدانێ خۆ ببینیت.
ئەو سەیە بۆ دەما پێنج رۆژان ل پێشیا نەخوشخانێ مایە هەیا وی دەمێ کو خۆدانێ وی ژ نەخوشخانێ دەرکەتیە و لسەر کورسیێ لڤۆک بوویە، دەما دیتی ژی ب گەرم و گۆر پێشوازی لێکریە.