فۆتۆ:
2021-01-20
733 جار خوێندراوەتەوە
لسەر ئاستێ جیهانێ ب گشتی و عێراقێ ب تایبەتی چاڤێ وان ل سەر وێ سیاسەتێ یە، کو بایدن دڤێت ل دەرڤەی ئاخا ئەمریکا پەیرەو بکەت.
ئەو ژی ئەشکرایە کو وەک هەر سەرۆکەکێ دیێ ئەمریکا، ئەڤ سەرۆکێ نوی ژی د سیاسەتێن خۆ دا ب پلا ئێکێ بەرژەوەندیێن وەلاتێ خۆ بەرچاڤ دکەت.
پەیمانگەها واشنتۆن بۆ سیاسەتا رۆژهەلاتا ناڤەراست دبێژیت، سیاسەتا واشنتن ب ئاوایەکێ سەرەکی دێ بۆ ئاراستەیا روسیا و چینێ بیت.
کو ژ روویێ سیاسیڤە روسیا دەستێوەردان کریە و چینێ ژی ژ روویی بازرگانیڤە زیانێت مەزن گەهاندینە ئەمریکا، و دنهادا ژی لسەر ئاستێ جیهانێ چویە بەری ئەمریکا ژ روویێ ئابووریڤە بویە پێشەنگ.
ژ ئالیەکێ دی جو بایدن سەرۆکێ هەلبژارتی تەکەز کر، وەکی ترەمپ سڤکاتیێ ب هەڤپەیمانێت ئەمریکا نەکەت و دەستێ هەماهەنگیێ بۆ هەڤالێن وەلاتێ خۆ درێژبکەت.
هەڤدەم، وەکی ل هەوێن هەلبژارتنا سوز دا بوو نیازا وێیەکێ هەیە ئەمریکا بۆ ناڤ لهەڤهاتنا ئەتۆمی دگەل ئیرانێ و لهەڤهاتنا پاریس بۆ گوهرینێن سەقایی ڤەگەرینیت.
دەربارەی عێراقێ ژی دیتنا ستراتیژیا بایدنی هێشتا نەیا ئاشکرا و روونە و نابیتە پلان و ستراتیژیا سەرەکی ل رۆژهەلاتا ناڤەراست دا، بۆ نمونە ل داخویانیێت فەرمی دا ژبلی وێ یا وەکی خۆ دبێژیت، سوزا ب داویئینانا 'جەنگێن هەتاهەتایی' دایە و پتریا هێزێن ئەمریکا ژی ل سوریا و عێراقێ دێ پاشڤەبەت، بەحس ل نەهێلانا ئەزمونا ئێرانێ ل عێراقێ نەکریە و پلانا ئابووری ژی بو عێراقێ رانەگەهاندیە.
د وێ دەربارێ دا، شارەزایێن سیاسی وەها دبینن، بکارئینانا هەر نەرمیەکێ ژ ئالیێ بایدن بەرامبەر تەهرانێ، هەژموونا میلیشیا و گروپێن چەکداریێن نێزیک ژ ئیرانێ دێ زێدەتر کەت و بەرامبەر دا ژی دێ دەستهەلاتا حکومەتا بەغدا لاوازتر بیت.