فۆتۆ:
2021-01-19
506 جار خوێندراوەتەوە
سەرۆکێ رێکخراوا ساخلەمیا جیهانی ڕاگەهاند، شێوازێ دابەشکرنا ڤاکسینا کۆرۆنایێ نە یا دادپەروەرە د ناڤبەرا وەلاتێن هەژار و زەنگین دا.
تێدرۆس ئەدهانۆم سەرۆکێ رێکخراوا ساخلەمیا جیهانی بەحسا وێیەکێ ژی کر، نابیت کەسێن گەنج و ساخلەم ل وەلاتێن زەنگین د نهادا ڤاکسینێ وەربگرن و کەسێن ب ناڤسالڤەچووی و نەخۆش ل وەلاتێن هەژارنشین چاڤەرێی وێیەکێ بن، کادێ ل چ دەمی ڤاکسین گەهیتە وەلاتێ وانا.
ئاماژە ب وێیەکێ ژی کر، وەلاتێن زەنگین بێ ل بەرچاڤگرتنا پێدڤیێن جیهانێ، دابینکرنا ڤاکسینی بۆ نافخو و وەلاتێ خۆ لسەر هەمی تشتان دانایە.
تێدرۆس ئەدهانۆم دبێژیت ژی، ڕەوشا ئابووریا ٤٩ وەلاتان باشە و ٣٩ ملیۆن قورچێن ڤاکسینێ وەرگرتنە.
هەیا نها هەر یەک ژ وەلاتێن ئەمریکا، روسیا، چین، بەریتانیا و هندستان شیاینە ڤاکسینێن کاریگەر بەرهەمبینن و پتریاوان ژی بەرهەمێن خۆ بۆ نافخویا وەلاتی بکارئینانە و چەندین وەلاتێن دی ژی ڤاکسین ئینایە وەلاتێن خۆ بۆ بەشەک ژ وەلاتیان بکارئینایە.
د دەمێ دەربازبوویدا، پەیڤدارێ وەزارەتا ساخلەمیا هەرێمێ ڕاگەهاندبوو، "دەمێ گەهشتنا ڤاکسینا کۆرۆنایێ بۆ هەرێمێ نە دیارە و ئامادەکاری بۆ وێ مەرەمێ هاتنە.
هەر ئەڤرۆ ژی، وەزارەتا ساخلەمیا عێراقێ ڕاگەهاندبوو، ب کارئینانا هە یەک ژ ڤاکسینێ ئیسترازینکای ئۆکسفۆردا بەریتانی و سینۆفارمیێ چینی ژ نشکەکێ ڤە بۆ رووبرووبونا کۆرۆنایێ پەسەندکرنە.